ඉදිරි ජනාධිපතිවරණය සදහා ගෝඨාභය රාජපක්ෂ මහතා පක්ෂයක අපේක්ෂකයෙකු ලෙස නොව පොදු අපේක්ෂකයෙකු ලෙසය ඉදිරිපත්විය යුතු බව ජාතික සංවිධාන එකමුතුව පවසයි.

අද (09) දහවල් ජාතික සංවිධාන පොදු මධ්‍යස්ථානයේ පැවති මාධ්‍ය හමුවකට එක්වෙමින් වෛද්‍ය වසන්ත බණ්ඩාර මහතා මේ බව කියා සිටියේය.

දේශපාලන පක්ෂ දෙකක නායකයන්ට රටේ ඉරනම තීන්දු කිරීමට ඉඩ නොදිය යුතු බවත් දිනේෂ් ගුණවර්ධන, වාසුදේව නානායක්කාර, උදය ගම්මන්පිල සහ විමල් වීරවංශ යන පක්ෂ නායකයන්ට පුළුල් සන්ධානයක් ගොඩනැගීම සදහා නායකයන් පෙළඹවීමේ යුතුකමක් සහ වගකීමක් ඇති බවද වැඩිදුරටත් අදහස් දක්වමින් ඔහු කියා සිටියේය.

පක්ෂ වශයෙන් පිල් බෙදෙම්න් ගැට්‍රුම් ඇතිකර ගැනීම සතුරාට වාසි සහගත වන බවත් එවැනි ගැටුම් වලට නොයන ලෙස නායකත්වයට බලකර කීමට ඔවුන්ට හැකියාව ඇති බවද වසන්ත බණ්ඩාර මහතා කියා අවධාරණය කර සිටියේය.