හිටපු ආරක්ෂක ලේකම් ගෝඨාභය රාජපක්ෂ මහතාට අමෙරිකානු අධිකරණයක් හමුවේ ගොනු කර ඇති බව කියන නඩුවලට අදාල සිතාසි ඒ මහතා වෙත භාරදෙන ආකාරය දැක්වෙන ඡායාරූපයක් සමාජ මාධ්‍ය වෙත මුදා හැර තිබේ.
ප්‍රිමියර් ගෲප් ඉන්ටර්නැෂනල් නමැති රාජ්‍ය නොවන සංවිධානය විසින් සමාජ ජාල වෙබ් අඩවියක පල කර ඇති අදාල ඡායාරූපයෙන් වෙළඳ සංකීර්ණයක රථ ගාලකදී කාන්තාවක් විසින් එම ලේඛන ගෝඨාභය රාජපක්ෂ මහතා වෙත භාරදෙන අයුරු පෙන්නුම් කෙරෙයි.
ගෝඨාභය රාජපක්ෂ මහතාට එරෙහිව අමෙරිකාවේ කැලිෆෝනියා හි අධිකරණයක සිවිල් නඩු දෙකක් පවරා ඇති බවට ඊයේ (08) දිනයේ මාධ්‍ය වාර්තා පල විය.
මාධ්‍යවේදී ලසන්ත වික්‍රමතුංග ඝාතනය සම්බන්ධයෙන් ඔහුගේ දියණිය වන අහිම්සා වික්‍රමතුංග විසින් එක් නඩුවක් ගොනු කර ඇති අතර දෙමළ ජාතික තරුණයෙකු වධ හිංසනයට ලක්කළ බවට ජාත්‍යන්තර සත්‍ය හා සාධාරණය සදහා වන ව්‍යාපාරය විසින් තවත් නඩුවක් මෙලෙස ගොනු කර ඇති බව සදහන්.
එම නඩුවලට අදාල සිතාසි මේ වන විට අමෙරිකාවට ගොස් සිටින ගෝඨාභය රාජපක්ෂ මහතා වෙත භාරදුන් බවට ජාත්‍යන්තර සත්‍ය හා සාධාරණය සදහා වන ව්‍යාපාරය ඊයේ නිවේදනයක් නිකුත් කරමින් සදහන් කර තිබුණි.
කෙසේවෙතත් එවැනි සිතාසියක් ගෝඨාභය රාජපක්ෂ මහතා වෙත භාරදී නොමැති බව ඔහුගේ ප්‍රකාශකයෙකු සදහන් කර තිබුණේය.
ගෝඨාභය රාජපක්ෂ මහතා රැදී සිටින්නේ අමෙරිකාවේ කැලිෆෝනියා ප්‍රාන්තයේ නොව වෙනත් ප්‍රාන්තයක බව ද සදහන් කළ එම ප්‍රකාශකයා ලබන සිකුරාදා දිනයේ ඒ මහතා යලි දිවයිනට පැමිණීමට නියමිත බව ද ප්‍රකාශ කළේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...