ජිනීවාහි පැවැත්වීමට නියමිත 40 වැනි ජගත් මානව හිමිකම් සමුළුවට ගෝලීය ශ්‍රී ලාංකික සංසදය විසින් පෙත්සම් 12ක් ඉදිරිපත් කර තිබේ.

තිස් වසරක් පුරා පැවැති කුරිරු ත්‍රස්තවාදයෙන් රට මුදා ගත් රණවිරුවන්ට යුද අපරාධ චෝදනා එල්ල කිරීමට එරෙහිව මෙම පෙත්සම් 12 එක්සත් ජාතීන්ගේ සංවිධානයට භාර දුන් බව එම සංසදයේ විධායක කමිටු ලේකම් යසස් ධර්මදාස මහතා පවසයි.

ශ්‍රී ලංකාවේ රණවිරුවන්ට එරෙහිව ජගත් මානව හිමිකම් කොමිසමට ඉදිරිපත් කර ඇති 30/1 යුද අපරාධ චෝදනාවලට අදාළ විමර්ශන කටයුතු 2019 මාර්තු මාසයට පෙර අවසන් කළ යුතුව තිබේ.

ගෝලීය ශ්‍රී ලාංකික සංසදය විදේශ ඇමැති තිලක් මාරපන මහතා සමඟ සිදු කළ සාකච්ඡාවකදී රණවිරුවන්ට එරෙහි චෝදනාවලට පිළිතුරු ලබාදී ඔවුන්ගේ නිර්දෝෂීභාවය සනාථ කිරීමට කටයුතු කරන බවට පොරොන්දුවක් ලබා දුන්නත් මේ වනතුරු රජය ඒ සම්බන්ධව කිසිදු පියවරක් ගෙන නැතැයි ධර්මදාස මහතා කියා සිටී.

පසුගිය ජනවාරිහිදී ගෝලීය ශ්‍රී ලාංකික සංසදයේ විධායක කමිටු සභිකයින් විදේශ ඇමති තිලක් මාරපන මහතා හමුවිය.