මධූෂ් සහ තමා අතර කිට්ටු සබඳතාවක් ඇති බවට ඇතැම් පුද්ගලයින් පළ කරන අදහස් ප්‍රතික්ෂේප කරන බව එක්සත් ජනතා නිදහස් සන්ධාන පාර්ලිමේන්තු මන්ත්‍රි නිරෝෂන් ප්‍රේමරත්න මහතා පාර්ලිමේන්තුවේදී සඳහන් කර සිටියේය.

‘නිරෝෂන් ප්‍රේමරත්න මාකඳුරේ මධූෂ්ගෙන් මුදල් අරගෙන ව්‍යාපාර පටන්ගෙන කළු සල්ලි සුදු කරනවා’ යනුවෙන් මේ දිනවල විශාල කතා බහක් ඇති ව තිබෙන බව පාර්ලිමේන්තු මන්ත්‍රි නිරෝෂන් ප්‍රේමරත්න මහතා පැවසීය.

මාකඳුරේ මධූෂ් යනුවෙන් පැවසුවත් සත්‍ය වශයෙන්ම මධූෂ් මාකඳුරේ නොවන බවත් පවසමින් මන්ත්‍රීවරයා පැවසූවේ මධූෂ් කඹුරුපිටියේ අයෙක් වන බවයි.

තමන්ට මෙම අසත්‍ය ප්‍රචාරයන් සිදු කරමින් මඩ ගැසීම් සිදු කරනු ලැබුවේ ජනතා විමුක්ති පෙරමුණ බවත් පවසමින් ප්‍රේමරත්න මන්ත්‍රිවරයා පැවසූවේ තමන් ජීවිතයේ කිසිදිනෙකත් සොරකම් සිදු කර නොමැති බවයි.

මළ ගෙදර ගිය මට ජවිපේ මට ගැහුවා. මට කාවවත් සුද්ද කරන්න ඕන නෑ. මධූෂ්ගේ අම්මා ජවිපේ සාමාජිකාවක්. මධූෂ්ගේ අම්මා වෙඩි තියලා මරණවා. ජනතා විමුක්ති පෙරමුණේ කවුරුවත් ගිහිල්ලා සමාජිකාව ගැන බැලුවේ නෑ. ජවිපෙට ගිහිල්ලා බල්න්න තිබුණා. ජවිපේ නිර්මාණය කළ භීෂණයේ ප්‍රතිඵලයක් තමයි මධූෂ්.”