දේශපාලනයේ පක්ෂ විපක්ෂ සියල්ල ඇතුළු සමස්ත ජනතාවම ජාතික ආණ්ඩුවක් යෝජනාවට විරුද්ධ විය යුතු බව ජවිපෙ දේශපාලන මණ්ඩල සභික කේ.ඩී. ලාල්කාන්ත පවසයි.

අගමැති රනිල් වික්‍රමසිංහගේ යට ඇඳුමක් හෝ ඉතිරිව තිබුණේ නම් එයද මෙම ජාතික ආණ්ඩුව යෝජනාවත් සමඟ ගැලවී යන බව ලාල්කාන්ත මහතා පැවැසීය.

ඒ මහතා පැවැසුවේ ජාතික ආණ්ඩුවක් අටවා ගැනීමට වත්මන් ආණ්ඩුව සූදානම් වන්නේ රටේ අවශ්‍යතාවකට නොව මෙමඟින් තම ඇමැතිකම් ගොඩ වැඩි කරගැනීම පමණක් ඔහුගේ එකම අරමුණ වී ඇති බවයි.
මීට පෙරද පැවැතියේ ජාතික ආණ්ඩුවක්. නමුත් එයින් රටේ ප්‍රශ්න කිසිවක් විසඳීමට නොහැකි වූ බවද ඔහු පෙන්වා දුන්නේය.

ඒ මහතා වැඩිදුරටත් පැවැසුවේ රනිල් වික්‍රමසිංහ ඇතුළු රට කාබාසිනියා කරන කල්ලිය එළවා දැමීමේ වගකීම ඊළඟ මැතිවරණයේදී ජනතාව අතට ගත යුතු බවයි.