කුඩා දරුවෙක් මේ වන විට රුපියල් ලක්ෂ හතරකට වඩා ණයකාරයෙක් කර ඇතැයිද රටේ ජනතාවට නිදහසක් නොමැතිවීම නිසා මෙවර නිදහස් දින උත්සවයට සහභාගී නොවන බවද එක්සත් ජනතා නිදහස් සන්ධානය මහලේකම් හම්බන්තොට දිස්ත්‍රීක් පාර්ලිමේන්තු මන්ත්‍රී මහින්ද අමරවීර මහතා පවසයි.
මහින්ද අමරවීර මහතා මෙසේ පැවැසූයේ අඟුණකොළපැලැස්ස අබේසේකරගම ප්‍රදේශයේ ගොවි පවුල් එකසිය විස්සක් සඳහා පලතුරු සහ එළවළු පැළ ලබා දීමේ වැඩසටහනකට අද (3) සහභාගී වෙමිනි.
රැස්ව සිටි පිරිස අමතමින් මන්ත්‍රීවරයා මෙසේද පැවසුවේය.
මේ රටේ හිටිය කිසිදු ආණ්ඩුවකට රටේ ජනතාවගේ ප්‍රශ්න හඳුනාගන්න පුළුවන් වුණා කියල මම හිතන්නේ නැහැ. එහෙම වුණා නම් මේ අර අද තරම් අන්ත අසරණ තත්ත්වයට පත් වෙන්නේ නැහැ. අවුරුදු හැත්තෑ එකක් වෙනවා අපේ රට නිදහස ලබලා. මම හැමදාම වගේ නිදහස් උත්සවයට ගිය කෙනෙක්. මම මේ සැරේ යන්නේ නැහැ කියල තීරණය කළා. නිදහස සමරලා උත්සවයක් තිබුණට වැඩක් නැහැ මේ රටේ මිනිස්සු නිදහස් වෙලා නැහැ.
අපි සුද්දාගෙන් නිදහස් වුණා තමයි. සුද්දගෙන් නිදහස් වෙලා කළු සුද්දට පාලන බලය ආවා. හැබැයි සුද්දන්ගේ පාලන කාලයට වඩා මිනිස්සු අන්ත වෙලා තිබෙනවා ඇතැම් ක්ෂේත්‍ර වලින් දැන්. රටේ ජාතික ආදායම මදි වෙලා තිබෙනවා රටේ ණය ටික ගෙවාගන්න.
මිනිස්සු බලාපොරොත්තු වෙන්නේ ආණ්ඩුව එයාලට යමක් කරාවි කියලා. පොඩි දරුවොත් ණයකාරයෝ කරල. රටේ දැන් ඉන්න එක් පොඩි දරුවෙක් ලක්ෂ හතරකට වැඩිය ණයකාරයෙක් කරලා. එන්න එන්න එය දැන් වැඩි වෙනවා. කවුරු මොන පොළියට ගත්තත් ඒව ගෙවන්න ඕනෑ.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...