ජිනීවා මානව හිමිකම් සමුළුවේ 40 වැනි සැසිවාරය ආරම්භ වන පෙබරවාරි 28 දිනට පෙර ශ‍්‍රී ලංකා නාවික හමුදාවේ ජ්‍යෙෂ්ඨ නිලධාරියකු ඇතුළු නාවික නිලධාරීන්

11 කට එරෙහිව මහාධිකරණය හමුවේ නඩු පැවරීමට තීරණය කර ඇතැයි රජයේ ඉහළ පෙළේ ආරංචි මාර්ග පවසයි.

කොටහේන ප‍්‍රදේශයේදී තරුණයන් 11 ක් පැහැර ගෙන යෑමේ චෝදනාව ඔවුන්ට එල්ල වී ඇත. පැහැරගැනීමට

ලක් වූ එම තරුණයකුගේ හැඳුනුම්පත ද රහස් පොලිස් විමර්ශන නිලධාරීන් විසින් සොයාගෙන ඇත.

මෙම සිද්ධිය ජිනීවා මානව හිමිකම් කවුන්සිලයේ දැඩි අවධානයට ලක් වී තිබුණ අතර චූදිත නිලධාරීන් සම්බන්ධයෙන් ගන්නා ක‍්‍රියාමාර්ග ගැන රජයෙන් කරුණු විමසා තිබිණි.

එම සිද්ධියට අදාළ එක්සත් ජාතීන්ගේ විශේෂ විමර්ශකයකු මෙරටට පැමිණ ත‍්‍රිකුණාමලය් නාවික හමුදා ගන්සයිටි කඳවුර පරීක්‍ෂාවට ලක් කර තිබිණි.

රජය මෙම නඩුව පැවරීම කඩිනම් කර ඇත්තේ 40 වැනි ජිනීවා මානව හිමිකම් සමුළුව පෙබරවාරි 25 වැනිදා ආරම්භ වන නිසාය.

Divaina