රට වෙනුවෙන් දිවි හිමියෙන් කටයුතු කරන හමුදා නිලධාරීන් ආරක්ෂා කිරීමට රජය මැදිහත්විය යුතු බව මේජර් ජෙනරාල් කමල් ගුණරත්න මහතා පවසයි.
ඊයේ (22) ජාතික සමතා බලවේගය කැදවා තිබූ මාධ්‍ය හමුවකට එක්වෙමින් ඔහු මේ බව සදහන් කළේය.

වර්තමාන හමුදාපතිවරයා පසුගිය දිනක කළ ප්‍රකාශයක් පිළිබදව විවේචනාත්මකව අදහස් දක්වමින් ඔහු සදහන්කර සිටියේ ඩයස්පොරාව සතුටු කිරීම සදහා මෙන්ම තමන්ගේ ජනප්‍රියතාවය වැඩිකර ගැනීම සදහා යුද හමුදාව පිළිබද වැරදි ආකල්ප ඇතිවන ප්‍රකාශ නොකරන ලෙසය.

වැඩිදුරටත් අදහස් දක්වමින් ගුණරත්න මහතා කියා සිටියේ රට බාරගන්නා දේශපාලන නායකයන්ට හෝ රජයකට අවශ්‍ය පරිදි රටේ මූලිකදේවල් වෙස් කිරීම සදහා බලයක් නොමැති බවත් වර්තමානයේ පැන නැගී ඇති ව්‍යවස්ථා අර්බුදය විසදීම සදහා ද පරමාධිපත්‍ය බලය හිමි රටේ බාරකාරයන් වන මහජනතාවගේ අනුමැතිය ලැබිය යුතු බවය.