මහ මැතිවරණයකට පෙර නියමිත පරිදි ජනාධිපතිවරණයක් පැවැත්විය යුතුයි බලපෑම් කරමින් සිටි එ.ජා.ප.ය. එම අදහස අතහැර මහ මැතිවරණයක් පැවැත්වීමේ යෝජනාවක් පාර්ලිමේන්තුවට ඉදිරිපත් කිරීමට සූදානම් වන බව දැනගන්නට ලැබි ඇත.

දෙමළ ජාතික සන්ධානය පසුගිය කෙටි කාලයක් තුළ රජයට හා එ.ජා.ප. නායකත්වයට කරන බලපෑම නිසා එ.ජා.ප.යේ සිංහල ඡන්ද පදනම බිඳ වැටෙමින් තිබෙන බව මන්ත්‍රීවරුන් පෙන්වා දීමෙන් පසු එ.ජා.ප.ය. මහමැතිවරණයක් යෝජනා කිරීමට මූලික හේතුව වී ඇති බව සඳහන්ය.

මේ අතර ජනාධිපතිවරයා විසින් ඉකුත් සිවු වසරක කාලය තුළ ආණ්ඩුවේ දූෂණ වංචා අක්‍රමිකතා සෙවීමට ජනාධිපති කොමිසමක් පත්කිරීමද එ.ජා.ප.ය මහ මැතිවරණයකට තල්ලු කිරීමට ප්‍රබල හේතුවක් වී ඇති බවද සඳහන් වේ.

මේ අනුව ජනාධිපතිවරණයට පෙර මහ මැතිවරණයක් පැවැත්වීම ස්ථීර වනු ඇති බව දේශපාලන විචාරකයන් පෙන්වා දී ඇත.