මුදල් හා ජනමාධ්‍ය අමාත්‍යංශය සඳහන් කළේ , 2019 වසරේදී ඇස්තමේන්තු කළ සමස්ත රාජ්‍ය වියදම රුපියල් බිලියන 4770ක් වන බව ය.

ඒ අනුව මේ වසරේ අයවැය පරතරය දළ දේශීය නිෂ්පාදිතයෙන් 4.8% ක් වනු ඇති.

මේ වසරේ රාජ්‍ය ආදායම දළ දේශීය නිෂ්පාදනයෙන් 15% ක් දක්වා වැඩි වෙනු ඇතැයි මුදල් හා ජනමාධ්‍ය අමාත්‍යංශය සඳහන් කළේ ය.

මේ වසර තුළදී ණය ගෙවීම වෙනුවෙන් වෙන් කර ඇති මුදල් ප්‍රමාණය බිලියන 2200කි.

මුදල් හා ජනමාධ්‍ය අමාත්‍යංශය පැවසුවේ, මෙය මෙරට ඉතිහාසයේ රජයක් විසින් වසරක ණය ගෙවීම සඳහා වැය කිරීමට සිදු වන විශාලතම මුදල බව ය.

2019 විසර්ජන පනත් කෙටුම්පත ලබන මස 05 වන දා පාර්ලිමේන්තුවට ඉදිරිපත් කෙරෙනු ඇති.

මුදල් හා ජනමාධ්‍ය අමාත්‍ය මංගල සමරවීර මහතා විසින් මාර්තු 05 වන දින අයවැය යෝජනා පාර්ලිමේන්තුවට ඉදිරිපත් කිරීමට නියමිත ය.