දේශීය පුවත්

එක්සත් ජාතික පක්ෂයේ මැති ඇමතිවරුන් කිහිපදෙනෙකු සිදුකර තිබෙන ප්‍රකාශවලට විරෝධය පළකරමින් ජනාධිපති මෛත්‍රිපාල සිරිසේන මහතා අමාත්‍ය මණ්ඩල රැස්වීමෙන් පිටවගොස් ඇති බව දේශපාලන අභ්‍යන්තර ආරංචි මාර්ග වලින් වාර්තාවේ.
ඉන් අනතුරුව අග්‍රාමාත්‍ය රනිල් වික්‍රමසිංහ මහතා ඇතුළු අමාත්‍යවරුන් කිහිපදෙනෙකු ගොස් ජනාධිපතිතුමා සමග කෙටි වේලාවක් සාකච්ඡා කිරීමෙන් අනතුරුව මෛත්‍රිපාල සිරිසේන ජනාධිපතිවරයා යළිත් අමාත්‍ය මණ්ඩල රැස්වීමට පැමිණ එහි මුලසුන ගෙන අමාත්‍ය මණ්ඩල රැස්වීමේ කටයුතු නියමිත පරිදි සිදුකරගෙන ගොස් ඇති බවද දැනගන්නට ඇත.
ජනාධිපති ලේකම් කාර්යාලයේදී අද 16 දින පැවති අමාත්‍ය මණ්ඩල රැස්වීම ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් ආරම්භ කෙරුණු අතර මෙහිදී ශ්‍රී ලංකා මහ බැංකුවේ බැඳුම්කර සිද්ධිය සහ වර්තමාන දේශපාලන තත්වය පිළිබඳව ජනාධිපතිවරයා අදහස් දක්වා ඇති බව වාර්තාවේ.
ශ්‍රී ලංකා මහබැංකුවේ බැඳුම්කර නිකුතුව ගැන සොයාබැලීම සඳහා ජනාධිපති කොමිසමක් පත්කරන ලද්දේ එක්සත් ජාතික පක්ෂයට පහර ගැසීමට නොවන බව ජනාධිපතිවරයා මෙහිදී ප්‍රකාශ කර ඇති බව ද වාර්තාවේ.
මුදල් අක්‍රමිකතාවක් සිදුවී තිබෙන බවට චෝදනා එල්ල වන නිසා ඒ පිළිබඳව විධිමත් පරීක්ෂණයක් සිදුකිරීමට මෙම ජනාධිපති කොමිසම පත් කළ බවද ජනාධිපතිවරයා ප්‍රකාශ කර තිබෙන බව දැනගන්නට ඇත.
අර්ජුන් මහේන්ද්‍රන් මහතා ශ්‍රී ලංකා මහ බැංකුවේ අධිපතිධුරයට පත් නොකරන ලෙසට තමා ප්‍රකාශ කළ බවද ජනාධිපති මෛත්‍රිපාල සිරිසේන මහතා මෙහිදී සිහිපත්කොට තිබෙන බවද වාර්තාවේ.
මෙවැනි වාතාවරණයක් යටතේ අමාත්‍ය හරින් ප්‍රනාන්දු, නියෝජ්‍ය අමාත්‍ය සුජීව සේනසිංහ, පාර්ලිමේනතු මන්ත්‍රිවරුන් වන නලින් බණ්ඩාර හා එස්. එම්. මරික්කාර් යන මහත්වරුන් තමාට දොස් පවරන බවත් මෙහෙම වැඩකරන්නේ කෙසේද යනුවෙන් පැවසූ ජනාධිපතිවරයා අමාත්‍ය මණ්ඩල රැස්වීමෙන් නැගිට ගොස් ඇති බව දේශපාලන අභ්‍යන්තර ආරංචි මාර්ග වලින් වැඩිදුරටත් වාර්තාවේ.
අග්‍රාමාත්‍යවරයා ඇතුළු කිහිපදෙනෙක් ගොස් සාකච්ඡා කිරීමෙන් අනතුරුව ජනාධිපතිවරයා යළිත් අමාත්‍ය මණ්ඩල රැස්වීමට පැමිණ ඇත.



Leave a Reply

Your email address will not be published. Required fields are marked *

ප‍්‍රධාන පුවත්

පාස්කු ප්‍රහාරයට සම්බන්ධ ජවිපෙ ජාතික ලැයිස්තු අපේක්ෂක මොහොමඩ් ඊබ්‍රාහිම් ඇප පිට නිදහස්(Video)

පාස්කු ප්‍රහාරය එල්ල කළ මරාගෙන මැරෙන බෝම්බකරුවන් දෙදෙනෙකුගේ පියාවන, ජවිපෙ ජාතික ලැයිස්තුවේ සාමාජික, දෙමටගොඩ මහවිල උද්‍යානයේ...


Read More

ස්වාධීන වූ පක්ෂ සංධානයක් ගොඩ නැගීමට කටයුතු කරනවා- ජානිපෙ නායක විමල් වීරවංශ

ආණ්ඩුවේ ස්වාධින වූ පක්ෂ නායකයින්ගේ සාකච්ඡාවකින් පසු මාධ්‍ය වෙත අදහස් දක්වමින් ආණ්ඩුවෙන් ස්වාධීන වූ පක්ෂ එක්ව සන්ධානයක් ගොඩනැගීමට ත...


Read More

ආචාර්ය ගුණදාස අමරසේකර ප්‍රමුඛ ජාතික සංවිධාන එකමුතුව යෝජිත ව්‍යවස්ථා සංශෝධන වලට එරෙහිව ගොනු කළ පෙත්සම විභාගයට ලක් කිරීම හෙට

යෝජිත ආණ්ඩුක්‍රම ව්‍යවස්ථා සංශෝධන වන 21 වන ව්‍යවස්ථා සංශෝධනය සහ 22 වන ව්‍යවස්ථා සංශෝධනය ශ්‍රේෂ්ඨාධිකරණ...


Read More