පළුගස්වැව ප්‍රාදේශීය ලේකම් කොට්ඨාසයේ සේනාදිරියාගම ආසිරිගම නාමල්පුර විශේෂෙන් හොරිවිල ගොවි කලාපය මෙම බඩඉරිඟු වගා කොට තිබේ .ගොවීහු පෙන්වා දෙන්නේ මින් කිසිදු කාලයක නොදැකපු සේනා නැමති දළඹු විශේෂය තම ගොවිබිම් ආක්‍රමණය කොට තිබෙන බවය.

හොරිවිල පාරම්පරික ගම්මානේ අක්කර තුන්සීයකට අධික භූමි ප්‍රමාණයක පිහිටි බඩඉරිඟු වගාව සම්පූර්ණයෙන්ම පාහේ දළඹු ප්‍රහාරයට ලක්වෙමින් පවතින බව ඔවුහු පෙන්වා දෙති.

තම වගාබිම ආරක්ෂා කර ගැනීම සඳහා විවිධ කෘමි නාශක වර්ග විශාල වශයෙන් යෙදවුවද මෙම සේනා නැමති දළඹු විශේෂය මර්දනය වීමක් දකින්නට නොමැති බව බඩඉරිඟු ගොවීහු කියති.

කෘෂිකර්ම නිලධාරීන් මෙම ප්‍රදේශයට පැමිණ සොයාබලා විවිධ කෘමිනාශක වර්ග නිර්දේශ කරන බවත් ඒවා යෙද වුවද මෙම සතුන් මර්දනය නොවීම හේතුවෙන් ඇතැම් බඩඉරිඟු වගාවන් මේ වනවිටත් අතහැර දැමූ බව බඩඉරිඟු ගොවීහු පෙන්වා දෙති.

එක රැයකින් විශාල වශයෙන් මෙම ගස් ඔවුන්ගේ ආහාරයට ලක්වන බව ගොවීහු පෙන්වා දීම විශේෂත්වයකි.