එළැඹෙන 2019 වසර මැතිවරණ වසරක් හෙයින් ඉදිරි ඕනෑම මැතිවරණයකට මුහුණ දීමට සූදානම් වන ලෙස ශ්රී ලංකා නිදහස් පක්ෂයේ සියලුම ආසන සංවිධායකවරුන්ට සහ දිස්ත්රික් සංවිධායකවරුන්ට ජනාධිපති මෛත්රිපාල සිරිසේන මහතා විසින් ඊයේ (24 දා) දැනුම් දී තිබේ.
සියලුම ආසන සංවිධායකවරුන් සහ දිස්ත්රික් සංවිධායකවරුන් සමඟ ඊයේ ජනාධිපති ලේකම් කාර්යාලයේ පැවති සාකච්ඡාවකදී ජනාධිපතිවරයා එසේ සඳහන් කර ඇත.
වාමාංශික ප්රගතිශීලී සියලු බලවේග ඒකරාශී කරගත් නව සන්ධානයක් ගොඩනඟමින් ඉදිරියේදී ඒ සඳහා කටයුතු කරන ලෙස සංවිධායකවරුන්ට සහ දිස්ත්රික් සංවිධායකවරුන්ට ජනාධිපතිවරයා දැනුම් දුන් බව ද ශ්රී ලංකා නිදහස් පක්ෂයේ මහ ලේකම් මහාචාර්ය රෝහණ ලක්ෂ්මන් පියදාස මහතා ඊයේ (24 දා) ශ්රී ලංකා නිදහස් පක්ෂ මූලස්ථානයේ පැවති මාධ්ය හමුවකට සහභාගි වෙමින් කියා සිටියේය.
එම අලුත් ප්රතිසන්ධානය යටතේ ආසන සංවිධායකවරුන් සහ දිස්ත්රික් සංවිධායකවරුන් වෙනම කළමනාකරුවන් ලෙස නව මුහුණුවරකින් ඉදිරි වර්ෂයේදී පක්ෂ ප්රතිසංවිධාන කටයුතු ආරම්භ කළ යුතු බවට ද ජනාධිපතිවරයා දැනුම් දී තිබේ.
එසේම පක්ෂය තවදුරටත් ශක්තිමත් කිරීම සඳහා ලබන මාසයේදී නව සංවිධායකවරු පත් කිරීමටත් ගොඩනඟන පුළුල් සන්ධානය හරහා ජනතාව අතරට යැම සඳහා කටයුතු කරන ලෙසත් ජනාධිපතිවරයා සංවිධායකවරුන්ට දැනුම් දුන් බව ද මහ ලේකම්වරයා වැඩිදුරටත් සඳහන් කළේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...