ඉන්දීය සාගරයේ යාත‍්‍රා කරන ඇමෙරිකානු යුද නැව්වලට සැපයුම් සේවා ලබාදීම සඳහා ඇමෙරිකාව විසින් දියත් කර ඇති ශ‍්‍රී ලංකාවේ සැපයුම් කේන්ද්‍රස්ථානයට ගුවන් ධාවන පථයක් සහ ගබඩා පහසුකම් සහිත ශාන්තිකර කලාපීය නාවික හමුදා සේනාංකයක් පිහිටුවීමට ආණ්ඩුව විසින් අවසර ලබා දී ඇති බව ජාත්‍යන්තර දේශපාල විශ්ලේශක මොහාන් සමරනායක මහතා පවසයි.

පසුගිය දා(21) ජාතික සංවිධාන පොදු මධ්‍යස්ථානයේ පැවති මාධ්‍ය හමුවකට එක්වෙමින් සමරනායක මහතා මේ බව කියා සිටියේය.

ඇමෙරිකාව විසින් ශ‍්‍රී ලංකාව තුළ ආරම්භ කර ඇති මෙම සැපයුම් මධ්‍යස්ථානය පිළිබඳ තොරතුරු මෙතෙක් අණාවරණය කර නොමැති බවත් වැඩි කල් යන්නට පෙර ඇමෙරිකාව ඇතුළු යුරෝපා රටවල ධනවතුන්ගේ යුද තිප්පලක් බවට ශ්‍රී ලංකාව පත්වන දිනය වැඩි ඈතක නොවන බවද මොහාන් සමටරනායක මහතා අවධාරණය කර සිටියේය.