එක්සත් ජාතික පක්ෂ නායක රනිල් වික්‍රමසිංහ මහතා නැවත වතාවක් අගමැතිවරයා ලෙස දිවුරුම් දීමට සියලු කටයුතු සූදානම් වෙමින් තිබේ.

මේ අතර ජනාධිපති මෛත්‍රිපාල සිරිසේන මහතා අද(14) රාත්‍රි එක්සත් ජාතික පක්ෂ නායක රනිල් වික්‍රමසිංහ මහතාට දුරකථන ඇමතුමක් ලබා දී මේ පිළිබදව සාකච්ජා කර ඇති බව වාර්තාවේ.

ඒ අනුව අනිද්දා ඉරිදා දිනයේ පෙරවරු 10.00ට ඔහු අගමැතිවරයා ලෙස ජනාධිපති මෛත්‍රීපාල සිරිසේන මහතා ඉදිරියේ දිවුරුම් දීමට නියමිතය.

නව කැබිනට් මණ්ඩලයට ශ්‍රී ලංකා නිදහස් පක්ෂයේ ඇමැතිවරුන් 6 දෙනෙකුද ඇතුළත්වන අතර කැබිනට් මණ්ඩලය 30 දෙනෙකුගෙන් සමන්විත වනු ඇතැයි ද වාර්තාවේ.

ඒ සඳහා මේ වන විටත් අවශ්‍ය කටයුතු ජනාධිපති ලේකම් කාර්යාලය විසින් සිදුකරමින් ඇතැයි එහි ප්‍රකාශකයෙකු සඳහන් කළේය.