ඉදිරියේදී පැවැත්වෙන මැතිවරණයකට එක්ව තරග කිරීම සම්බන්ධයෙන් ශී‍්‍ර ලංකා නිදහස් පක්‍ෂය සහ ශී‍්‍ර ලංකා පොදුජන පෙරමුණ අතර තවදුරටත් සාකච්ඡා සිදුවෙමින් පවතින බවට දේශපාලන ආරංචි මාර්ග සදහන් කරයි.

ජනාධිපති මෛත‍්‍රිපාල සිරිසේන මහතාගේ ප‍්‍රධානත්වයෙන් ඊයේ(07) පස්වරුවේ ජනාධිපති නිල නිවසේදී පැවති ශ්‍රී ලංකා නිදහස් පක්ෂ මධ්‍යම කාරක සභාවේදී මේ පිළිබදව වැඩිදුර කරුණු සාකච්ඡා කර ඇත.

කෙසේ වෙතත් ඒ සම්බන්ධයෙන් පාර්ශව දෙක අතර මෙතෙක් අවසන් එකඟතාවයකට පැමිණ නොමැති බව අතර පොදු ලකුණක් යටතේ තරග කිරීමට ඇති හැකියාව පිළිබඳව සාකච්ඡා වී තිබෙන බවත් වාර්තා වේ.

එසේ පිහිටුවන නව සන්ධානයේ නායකත්වය හිටපු ජනාධිපති මහින්ද රාජපක්‍ෂ මහතාට ලබා දීමට තීරණය කර ඇති බවද ශ‍්‍රීලනිප මහ ලේකම් රෝහණ ලක්‍ෂමන් පියදාස මහතා සදහන් කරයි.