ජනාධිපතිවරයා සහ අගමැතිවරයා ප්‍රමුඛ ආණ්ඩුවේ සාමාන්‍ය ක්‍රියාකාරිත්වයට අභියාචනා අධිකරණයේ තීන්දු මගින් බාධාවක් එල්ල වී නැති බව ජ්‍යෙෂ්ඨ කථිකාචාර්ය නීතිඥ රාජා ගුණරත්න මහතා පවසයි.

ඔහු ඒ බව සඳහන් කළේ ඊයේ(5) රාත්‍රී ස්වාධීන රූපවාහිනියේ පැවති ‘තීරණය’සංවාද වැඩසටහන්ට සහභාගී වෙමිනි.

ඒ පිළිබඳ වැඩිදුරටත් ලංකා ලීඩ් නිව්ස් අප කළ විමසීමේදී ඔහු තවදුරටත් අදහස් පළ කරමින් මෙසේ සඳහන් කළේය.

” අධිකරණ තීන්දුව මගින් අගමැතිගේ හෝ අමාත්‍ය වරුන්ගේ ධූරය අත්හිටුවීමක් සිදුවී නැත. ඔවුන් සියලු දෙනා දිගටම ධූරය දරන අතර එම ධුරයට අදාල කාර්යාල කටයුතු වලින් පමණක් වැළකී සිටිය යුතුය. නමුත් ආයතන වල ප්‍රධානීන් නිවසේ දී මුණ ගැසීමට හෝ ඔවුන්ට වාචිකව උපදෙස් දීමට ඒ මගින් බාධාවක් එල්ල වන්නේ නැත. අදාළ ආයතන ප්‍රධානීන් ලේකම්වරයාගේ උපදෙස් මත මහජන සේවා දිගටම පවත්වාගෙන යා යුතුයි”