පාර්ලිමේන්තුව විසුරුවා හැරීමට එරෙහි පෙත්සමේ විභාගය ඇරඹෙයි
පාර්ලිමේන්තුව විසුරුවා හැරීම සම්බන්ධයෙන් ජනාධිපතිවරයා නිකුත් කළ ගැසට් නිවේදනයට අහෝසි කරන්නැයි ඉල්ලා ගොනු කළ මූලික අයිතිවාසිකම් පෙත්සම සත් පුද්ගල ශ්රේෂ්ඨාධිකරණය විනිසුරු මඩුල්ලක් හමුවේ අද (04) විභාගය අරඹා තිබේ.
———————————————–
ජනපතිගේ ගැසට් පත්රයට එරෙහිව නඩු විභාගය අද සිට
ජනාධිපති මෛත්රීපාල සිරිසේන මහතා විසින් පාර්ලිමේන්තුව විසුරුවා හැරීමට එරෙහිව ගොනු කළ මූලික අයිතිවාසිකම් පෙත්සම් අද (4) සිට ලබන 06 වැනිදා දක්වා සත් පුද්ගල ශ්රේෂ්ඨාධිකරණ විනිසුරු මඩුල්ලක් හමුවේ විභාගයට ගැනීමට නියමිතය.
ඒ අනුව අගවිනිසුරු නලින් පෙරේරා මහතාගේ ප්රධානත්වයෙන් බුවනෙක අළුවිහාරේ , සිසිර ද ආබෲ ,ප්රසන්න ජයවර්ධන , ප්රියන්ත ජයවර්ධන , විජිත් මළල්ගොඩ ,මුර්දු ප්රනාන්දු යන මහත්ම මහත්මීන් ගෙන් යුතු ශ්රේෂ්ඨාධිකරණ සත් පුද්ගල විනිසුරු මඩුල්ල හමුවේ මෙම මූලික අයිතිවාසිකම් පෙත්සම් ලබන මස විභාගයට ගැනීමට නියමිතය.
එක්සත් ජාතික පක්ෂය, දෙමළ ජාතික සන්ධානය, ජනතා විමුක්ති පෙරමුණ, සමස්ත ලංකා මහජන කොංග්රසය සහ ශ්රී ලංකා මුස්ලිම් කොංග්රසය ඇතුළු පාර්ශව 13 ක් විසින් අදාළ පෙත්සම් ඉදිරිපත් කර තිබුණි.
පෙත්සම් සලකා බැලූ ශ්රේෂ්ඨාධිකරණය ජනාධිපතිවරයා විසින් පාර්ලිමේන්තුව විසුරුවා හරිමින් නිකුත් කළ ගැසට් නිවේදනය ක්රියාත්මක කිරීම වලක්වාලමින් ලබන 07 වන දින දක්වා අතුරු තහනම් නියෝගයක් නිකුත් කළේය.
විනිසුරුවරුන් පහට වැඩි පූර්ණ විනිසුරු මඩුල්ලක් හමුවේ සලකා බලන්නැයි ඉල්ලා ශ්රී ලංකා පොදුජන පෙරමුණ නායක මහාචාර්ය ජී.එල් .පීරිස් මහතා ඇතුළු පස් දෙනෙකු විසින් ශ්රේෂ්ඨාධිකරණයෙන් ඉල්ලා සිටි අතර ජාතික සංවිධාන එකමුතුව සහ ගෝලීය ශ්රී ලාංකික සංසදය විසින් පූර්ණ විනිසුරු මඩුල්ලක් ඉල්ලා තිබුණි. මෙම මෝසම් සලකා බලමින් අගවිනිසුරුවරයා විසින් සත් පුද්ගල විනිසුරු මඩුල්ලක් හමුවේ පෙත්සම කැඳවීමට තීන්දු කළේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...