මහින්ද රාජපක්ෂ ප්‍රමුඛ ආණ්ඩු පක්ෂයේ මන්ත්‍රීවරු ලබන 05 දා පැවැත්වෙන පාර්ලිමේන්තු රැස්වීමට සහභාගී වනු ඇති බව දේශපාලන ආරංචි මාර්ග සඳහන් කරයි.

එදිනට පෙර පැවැත්වෙන පක්ෂ නායක රැස්වීමට සහභාගි වී ඉන්පසු ආණ්ඩුවේ කටයුතු කරගෙන යාම සම්බන්ධයෙන් සාකච්ඡා කරනු ඇති බවද වාර්තා වේ.

මහින්ද රාජපක්ෂ ප්‍රමුඛ ආණ්ඩු පක්ෂයේ මන්ත්‍රීවරු හතරවැනි දිනටත් ඉකුත් සිකුරාදා (30) පාර්ලිමේන්තුව වර්ජනය කළ අතර එම දින හතර පුරාම පැවැතියේ විපක්ෂය විසින් ආණ්ඩුවට එරෙහිව ඉදිරිපත් කළ යෝජනාවන්ය.

ලබන 05 වැනි දාට යෝජනාවක් තවම ඉදිරිපත්ව නොමැති නිසා ආණ්ඩුවේ කටයුත්තක් ඉදිරිපත් කිරීමට සැලසුම් කර ඇති බවද දේශපාලන ආරංචි මාර්ග සඳහන් කරයි.

ඒ අනුව ඔවුන් ලබන 05 වැනිදා පාර්ලිමේන්තු කටයුතු සඳහා සහභාගි වනු ඇති බවද වාර්තා වේ.