‘අන්තර්කාලීන ආණ්ඩුව’ යම් කාලරාමු සහිත කඩිනම් ජාතික වැඩපිළිවෙලක් තුළින් රට වැටී ඇති ඛේදනීය තත්වයෙන් ගොඩ ගැනීමට සූදානම් බවත් මේ වෙනස වෙනුවෙන් කැප වූයේ ඇමති ධුර බලාපොරොත්තුවෙන් නොවන බවත් ජාතික නිදහස් පෙරමුණේ නායක, විමල් වීරවංශ මහතා පවසයි.

ඊයේ (29) හිරු රෑපවාහිනී නාලිකාවේ ‘සලකුණ” වැඩසටහනට එක්වෙමින් ඒ මහතා එසේ පැවසීය.
එහිදී වැඩසටහන මෙහෙය වූ ප්‍රවීණ මාධ්‍යවේදී සුදේව හෙට්ටිආරච්චි මහතා ඔහුගෙන් විමසා සිටියේ තමන් කැබිනට් මණ්ඩලයෙහි සාමාජිකත්වය නොදරමින් එම ආණ්ඩුව සිදු කරන කාර්යයන් සම්බන්ධයෙන් වග කියන්නේ කෙසේද? කියා ය. ඊට පිළිතුරු දුන් වීරංවශ මන්ත්‍රීවරයා කැබිනට් මණ්ඩලය නියෝජනය නොකළත් අන්තර්කාලීන ආණ්ඩුව ලෙස ජනතාවට වගකීම සදහා යම් ව්‍යුහයක් ඉදිරියේදී සැකසිය හැකි බවත් එහි සාමාජිකත්වය දරමින් එම ජාතික වැඩපිළිවෙල සාර්ථක කර ගැනීම සදහා උපරිම කැපවීමෙන් කටයුතු කරන බවත් පැවසී ය.

එම හිරු සලකුණ වැඩසටහනේ සම්පූර්ණ විඩියෝව පහතින් බලන්න