එක්තරා සුළු ජාතික ජාවාරම්කාර පාවහන් ව්‍යාපාරිකයන් පිරිසක් විසින් මුහුදෙන් සහ ගුවන් මගින් විදේශිය පාවහන් හොර රහසේ මෙරටට ගෙන්වීම නිසා දේශීය පාවහන් කර්මාන්තය බිඳවැටෙමින් පවතින බව පාවහන් සහ සම්බන්ධ කර්මාන්ත කරුවන්ගේ සංගමයේ සභාපති බුද්ධික විමලසිරි මහතා පවසයි.

2016 දී ආනයනය පාවහන් සඳහා පනවා තිබූ රුපියල් 100 බද්ද ඉවත් කිරීම නිසා පාවහන් කර්මාන්තය කඩා වැටීම් ආරම්භ වූ බව ද ඒ මහතා පැවසීය.

එහෙම තත්ත්වය නිසා රුපියල් මිලියන 70,000 වටිනා පාවහන් වෙළඳපොලේ දේශීය නිෂ්පාදකයාගේ කොටස 50% ක් දක්වා පහත වැටී ඇති බව ඔහු තවදුරටත් සඳහන් කළේය.