ආසියානු දැල්පන්දු තරගාවලිය යටතේ ශ්‍රී ලංකා කණ්ඩායමට තවත් වඩාත් තීරණාත්මක තරගවලින් එකක්වූ මැලේසියාව සමග තරගයෙන් ලකුණු 62-59ක් වශයෙන් තියුණු ජයක් ලැබීමට ශ්‍රී ලංකා ක්‍රීඩිකාවෝ සමත්වූහ. මෙම තරගය සිංගප්පූරුවේ ඕසීබීසී එරීනා ගෘහස්ථ ක්‍රීඩාංගණයේදී ඊයේ (05දා) නිමාවට පත්විය.

ඒ අනුව ශ්‍රී ලංකා කණ්ඩායම කුසලාන වටය සඳහා තරග කරන සුපිරි කණ්ඩායම් හතර තුළ තවදුරටත් ප්‍රථම ස්ථානයේ පසුවෙයි. මේ අතර ප්‍රබල මැලේසියාව සහ සිංගප්පූරුව පහසුවෙන්ම පරාජය කළ අපරාජිත ශ්‍රී ලංකාව අවසන් පූර්ව තරගයේද තම ස්ථානය පළමුවෙන්ම වෙන් කරගත්තේය. ශ්‍රී ලංකා කණ්ඩායම සුපිරි කණ්ඩායම් හතරේ තවත් එක් තරගයකට අද (06දා) හොංකොං සමග තරග වැදීමට නියමිත අතර, එම තරගය ශ්‍රී ලංකා වේලාවෙන් පස්වරු 2.30ට ආරම්භ වීමට නියමිතය.