ඒකාබද්ද විපක්‍ෂය විසින් කොළඹ ලේක්හවුස් වටරවුමේ ආරම්භ කරන ලද සත්‍යග‍්‍රහය අවසන් කරන්නට තීරණය කිරීමත් සමග විරෝධතා ව්‍යාපාරය සඳහා සම්බන්ධවීමට පැමිණි පිරිස් අතරින් බොහෝමයක් නැවත ගම්බිම් බලා පිටත්ව ගොස් තිබේ.

ඒ අනුව රාත‍්‍රී 12.00ට සත්‍යග්‍රහය අවසන් කරන බව සංවිධායකයන් පැවසීමත් සමග ජනතාව රඳවා ගැනීම වෙනුවෙන් විවිධ අංග ඒකාබද්ධ විපක්ෂය විසින් ලේක් හවුස් වටරවුම ආසන්නයේ සිට සංවිධානය කර තිබුණත් ජනතාව එයද නොතකමින් ඉවත් ගිය බව වාර්තා වෙයි.

රැය පහන් වන තුරු සත්‍යග‍්‍රහයක් පවත්වන්නට තීරණය කර තිබුනද දුර බැහැරින් පැමිණි ජනතාව නිවෙස් බලා යාම හේතුවෙන් මෙම තිරණය ගත්බව ඒකාබද්ධ විපක්ෂයේ සංවිධායකයෝ පවසති.

‘දැන් ආණ්ඩුව ගත්තාද? මහින්ද අගමැතිද?’ අසමින් සමච්චල් කරන නිර්මාණ සමාජ ජාලයන්හි මේ වන විට හුවමරු වෙමින් පවතින අතර නිසි සංවිධානයකින් තොරව මෙය සංවිධානය කර තිබූ බව පවසමින් එහි සිටි ජනතාව අදහස් පළ කරන වීඩියෝවක් සිරස රූපවාහිනිය විකාශණය කළේය.