පකිස්ථානයේ ලාහෝර්හිදී හෙට පැවැත්වෙන ශ්‍රී ලංකා – පකිස්ථාන ක්‍රිකට් තරගය වෙනුවෙන් විශේෂ ආරක්ෂක වැඩපිළිවෙළක් ක්‍රියාත්මක බව පකිස්ථානයේ ශ්‍රී ලංකා මහකොමසාරිස් කාර්යාලය පවසයි.

මහකොමසාරිස් මේජර් ජෙනරාල් ජයනාත් ලොකුකැටගොඩගේ මහතා පවසන්නේ පකිස්ථාන හමුදා, පොලිසිය සහ සෙසු ආරක්ෂක අංශ ඊට එක්ව සිටින බව ය.

හෙට පැවැත්වෙන තරඟය නැරඹීම සඳහා පකිස්ථාන ජනතාව විශේෂ උනන්දුවකින් පසුවන බව ද දන ගන්නට ඇත.

2009 මාර්තු මාසයේදී ලාහෝර්හිදි එල්ල වූ ත්‍රස්ත ප්‍රහාරයෙන් අනතුරුව ශ්‍රී ලංකා ක්‍රිකට් කණ්ඩායම පකිස්ථානයේ සංචාරය කරන ප්‍රථම අවස්ථාව මෙයයි.

දෙරට අතර 3වන සහ අවසන් පන්දුවාර 20-20 තරගය ශ්‍රී ලංකාවේ වේලාවෙන් හෙට රාත්‍රී 8.00ට ආරම්භවීමට නියමිතය.