වත්මන් ආණ්ඩුව යටතේ ඉහළ ගිය ජීවන වියදම වන රුපියල් 5,649 සමස්ත සේවකයාගේ මූලික වැටුපට එකතු කළ යුතු බව ජාතික වෘත්තීය සමිති මධ්‍යස්ථානයේ සභාපති කේ.ඩී. ලාල්කාන්ත රජයට අවධාරණය කරයි.

2015 ජනවාරි 8 වන විට ජීවන අංකය පැවැතියේ 108 වන අතර එය පසුගිය ජූලි අවසන් වන විට 126.5ට ඉහළ ගොස් ඇති බවත්, ඒ අනුව 17.6කින් ජීවන අංකය ඉහළට පැමිණ ඇති බවත්, ලාල් කාන්ත මහතා පෙන්වා දුන්නේය.

ඔහු පැවැසුවේ ඒ අනුව සිවු දෙනකුගෙන් යුත් පවුලක මේ වන විට ජීවන වියදම රුපියල් 5,649.60කින් වැඩි වී ඇති බවයි.