ඒකාබද්ධ විපක්ෂයට විපක්ෂ නායක ධූනායකධූරය නොලැබෙන්නේ නම් පාර්ලිමේන්තුවේ සියලු කටයුතුවලින් ද ඔවුන් ඉවත් විය යුතු බව ජාතික සංවිධාන එකමුතුව පවසයි. ඔවුන් මේ බව සඳහන් කළේ කොළඹ අද(14) පැවැති ප්‍රවෘත්ති සාකච්ඡාවකට එක්වෙමිනි.

‘‘ ආණ්ඩුව විපක්ෂනායක කම ඒකාබද්ධ විපක්ෂයට නොදෙන්නේ ඇයි? දැන් කියනවා ස්වාධින වෙන්න කියලා. ස්වාධින වුණොත් කියාවි පක්ෂයක් නැති නිසා විපක්ෂ නායක කම දෙන්න බැහැ කියලා. අපි පුරවැසියන් ලෙස ඡන්දය දෙන්නේ ව්‍යවස්ථාවේ බලය ගන්නයි. කථානායක ගේ වගකීම ඒ බලය ක‍්‍රියාත්මක කිරීමයි. දේශපාලන මතය අදාල කථානායටයි. මන්ත‍්‍රීවරු පිරිසක් පොදු එකඟතාවයකට ආවොත් එම පිරිසට විපක්ෂනායකකම දිය යුතුයි. තමන් තරඟ කළ පක්ෂයෙන් ඉවත්ව එන්න කියා කිව නොහැකියි. ඔහොම යනකොට ඇඳුම් ගලවලා එනව නම් ගන්නවා කියලත් කියයි. ගිණුම්කාරක සභාවේ විතරක් නොවෙයි සියලූ කමිටුවලින් ඒකාබද්ධ විපක්ෂය ඉවත්විය යුතුයි. ව්‍යවස්ථා සම්පාදක මණ්ඩලයෙනුත් ඉවත් විය යුතුයි. පාර්ලිමේන්තුවේ යොදන බලය වැළැක්විය යුතුයි. ’’ යැයි ද වෛද්‍ය වසන්ත බණ්ඩාර මහතා කීය.