යුද්ධය වැපුරූ පිරිස් වර්තමානයේ ගුණවත් මිනිසුන් වී ඇති අතර යුද්ධය නිමා කළ පාර්ශව අද අපරාධකරුවන් බවට පත්ව ඇතැයි පැපිලියාන සුනේත‍්‍රාදේවී පිරිවේණාධිපති, ශී‍්‍ර ලංකා පාලි හා බෞද්ධ විශ්වවිද්‍යාලයේ ජ්‍යෙෂ්ඨ කථිකාචාර්ය මහාචාර්ය පූජ්‍ය මැදගොඩ අභයතිස්ස හිමියෝ පවසති.

උන් වහන්සේ මෙම අදහස් පළ කළේඅද (28) ආර්ය පදනම විසින් සංවිධාන කර තිබූ කපිතාන් සාලිය අලදෙණිය ඇතුළු රණවිරුවන් 64 දෙනෙකු දිවිදුන් කොකාවිල් ප‍්‍රහාරයේ 28වන අනුස්මරණ සැමරුමට එක්වෙමිනි. මෙම අනුස්මරණ සැමරුමේදී හිටපු යුද හමුදාපති ජනරාල් දයා රත්නායක ද අදහස් පළ කළේය.