චෙක් ජාතික නවකතාකරුවෙකු වන මිලාන් කුන්දේරා අද(12) පැරීසියේ දී අභාවප්‍රාප්ත වී තිබේ.

මිය යන විට ඔහුගේ වයස අවුරුදු 94 කි.

නූතන මිනිසාගේ අභිරුචිය තව දුරටත් ග්‍රහණය කරගැනීමට යථාර්ථවාදී නවකතා රීතිය අසමත් වන විට නව ආඛ්‍යායන රටාවක් ලෝක සාහිත්‍ය කරළියට රැගෙන ආ ලේඛකයන්ගෙන් කෙනෙකු ලෙස මිලාන් කුන්දේරා හඳුන්වනු ලබයි. ඔහුගේ ලේඛන ශෛලිය වඩාත් සමීප වන්නේ ඉන්ද්‍රජාලික යථාර්ථවාදී සම්ප්‍රදායට බවයි බොහෝ විචාරකයන් පවසන්නේ.

1929 දී චෙකොස්ලෝවැකියාවේ උපන් මිලාන් කුන්දේරා සෝවියට් ආක්‍රමණයෙන් මිදීම සඳහා වූ එරට නිදහස් අරගලයට එක්ව සිටි අයෙකි. 1968 දී සිදුවූ මෙම අරගලය පරාජයට පත්වීමෙන් පසු කුන්දේරාගේ සාහිත්‍ය කෘති එරට පළ කිරීම තහනම් වූ අතර, 1975 දී ඔහු සිය මව්බිම අතහැර ප්‍රංශය බලා පිටත්ව යාම සිදුවෙයි.

ප්‍රංශයට පැමිණ වසර හතරකට පසු ඔහුගේ චෙක් පුරවැසිභාවය ඉවත් කරන ලද අතර 1981 දී ඔහුට ප්‍රංශයේ පුරවැසිභාවය ලබා දෙන ලදී.

හොඳම නවකතාව ලෙස The Unberable Lightness of Being නවකතාව සලකන අතර, ‘The Joke’, ‘The Book of Laughter and Forgetting’ යන ඔහුගේ කෘතීන් ද විචාරක ගෞරවයට ලක් වී තිබේ.