නොරොච්චෝල ලක්විජය බලාගාරයේ සිව්වැනි අදියර යටතේ මෙගාවොට් 300 ක බලාගාරයක් ඉදිකිරීම සඳහා පිහිටුවූ ව්‍යාපෘති කළමනාකරණ ඒකකය සඳහා වැයකර තිබෙන රුපියල් කෝටි දාසයක (මිලියන 167) මුදල වතුරේ ගොස් ඇතැයි වාර්තා වෙයි.

ඊට හේතු වී ඇත්තේ අදාළ ගල් අඟුරු බලාගාරය ඉදි නොකිරීමට වත්මන් ආණ්ඩුව තීරණය කර ඇති නිසාය.

ලංවිම තාක්ෂණික ඉංජිනේරු හා අධිකාරි සංගමයේ සභාපති ඒ. ජී. යූ. නිශාන්ත මහතා පවසන්නේ නොරොච්චෝල හතරවැනි බලාගාරය ලෙස මෙගාවොට් 300කින් යුත් මෙම බලාගාරය ඉදිකිරීම සඳහා ලංකා විදුලිබල මණ්ඩලය මගින් ස්ථාපිත කළ ව්‍යාපෘති කළමනාකරණය ඒකකයේ නිලධාරීන් දෙතුන්දෙනා ඉකුත් 2019-2020 කාලයේ දී වැය කළ රුපියල් කෝටි දහසයක මුදල අතරින් රුපියල් එක්කෝටි අසූලක්ෂයක් (මිලියන 18) විශේෂ දීමනා ලෙස ලබා ගෙන ඇති බවයි.

කිසිදු ප්‍රතිඵලයක් නැති ව්‍යාපෘතිය සඳහා ලංවිම මේ සා විශාල මුදලක් වැය කිරීම සම්බන්ධයෙන් රාජ්‍ය විගණනයක් කළ යුතුව ඇතැයිද ඔහු පවසයි.