අනුරාධපුර සංවර්ධන සැලසුම සාකච්ඡා කිරීමට චම්පක රණවක ඇමතිවරයා ‘මෙගා මයින්ඩ්ස්’ නමින් කැඳවා තිබූ වැඩසටහන පසුලිය 19 දින අනුරාධපුර ගෝල්ඩන් මැංගෝ රිසොර්ට් හෝටලයේදී පැවැත්විණි.

ඒ සඳහා සහභාගී වන ලෙස ප්‍රදේශයේ රාජ්‍ය සේවකයන්ට සහ විවිධ සංවිධාන නියෝජිතයන්ට දුරකථන ඇමතුම් ලැබී ඇත.

අනුරාධපුර ප්‍රදේශයේ පාසලක විදුහල්පතිවරයකු පැවසුවේ රැස්වීමට පෙර සතියේ ඊට සහභාගී වන්නැයි බල කර තමනට දුරකථන ඇමතුම් 15ක් පමණ ලැබුණු බවකි.

කෙසේ හෝ 1000 පමණ පිරිසක් රැස්වීමට සහභාගී වී තිබූ අතර පැමිණි එක අයකුට රු 3550 බැගින් වියදමක් දරා රාත්‍රී ආහාරය සපයා තිබුණි.

එනම් මෙගා මයින්ඩ් වැඩසටහනේ රාත්‍රී ආහාරයට පමණක් ලක්ෂ 35 කට වඩා වියදම් කර ඇත.