මෙරට සිදුවූ අරගලය නමින් හඳුන්වන සිදුවීම පිටුපස තිබූ සැබෑ කතන්දරය හඳුනා ගැනීම හා හඳුන්වා දීම අත්‍යවශ්‍ය කරුණක් බවත්, මෙම සිදුවීම නිවැරදි සාක්ෂි, සාධක සහිතව හඳුනාගැනීම රටේ අනාගත වර්ධනයන්ට පිටිවහළක් වන බවත් ප්‍රවීන මාධ්‍යවේදී මොහාන් සමරනායක මහතා පවසයි.

එසේ නොවුනහොත් මෙරට ඉතිහාසයේ විශාල හිස්තැනක් ඉතිරිවන බවත් ඒ මහතා පවසයි.

මොහාන් සමරනායක මහතා මේ බව පැවසුවේ සේන තෝරදෙනිය මහතා විසින් රචිත “GALLE FACE PROTEST: SYSTEMS CHANGE OR ANARCHY?” ග්‍රන්ථය එළිදැක්වීමේ උත්සවයේ දීය.

රටේ රාජ්‍ය නායකයාගේ නිවසට බලහත්කාරයෙන්  විරෝධතාකරුවන් කඩාවැදීම ඇතැම් මාධ්‍ය ආයතන හඳුන්වා තිබුනේ ජනතා නැගීසිටීමක් ලෙස යැයිද, මන්ත්‍රීවරයකු මහමග දී ඉති අමානුෂික අයුරින් ඝාතනය කිරීම ද ඇතැම් මහාචාර්යවරුන්ට, නීතිඥයන්ට අනුව ජනතා නැගීසිටීමක් වූ බවද ඒ මහතා පවසයි.

රටක නායකයකු ජනතාව විසින් තෝරා පත්කර ගන්නේ අවශ්‍ය විටදී බලය පාවිච්චි කිරීම සඳහා මිස ශාන්තිවාදී පාරමිතාව පිරීමට නොවන බවත්, බලය රාජ්‍යයේ අනිවාර්ය අංගයක් බවත් මොහාන් සමරනායක මහතා පවසයි.

එහෙත් බලය පාවිච්චි කර විරෝධතාකරුවන් ගෝලෆේස් භූමියෙන් ඉවත් කිරීම ද ඇතමුන් හැඳින්වූයේ වැරදි සහගත ලෙස බවද ඒ මහතා වැඩිදුරටත් පවසයි.

සවිස්තරාත්මක වීඩියෝව නරඹන්න…