කෘතහස්ත ලේඛක සේන තෝරදෙනිය මහතා විසින් ඊනියා ගෝල්ෆේස් අරගලයේ ඇතුලාන්තය සම්බන්ධයෙන් විශ්ලේෂණාත්මකව ලියන ලද “GALLE FACE PROTEST: SYSTEMS CHANGE OR ANARCHY? Politics, Religion & Culture in a Time of Terror in Sri Lanka” ග්‍රන්ථය 2023 ජූලි මස 04 වෙනි දින කොළඹ 7 නිදහස් මාවතේ පිහිටි පුස්තකාල හා ප්‍රලේඛන සේවා මණ්ඩල ශ්‍රවණාගාරයේදී එළි දැක්විනි.

සාහිත්‍යසූරී ආචාර්ය ගුණදාස අමරසේකර මහතා මුලසුන දැරූ මෙම උත්සවයේදී, දේශ හිතෛෂී ජාතික ව්‍යාපාරයේ මහලේකම් වෛද්‍ය වසන්ත බණ්ඩාර මහතා පිළිගැනීමේ කතාව කරනු ලැබීය. ප්‍රවීණ මාධ්‍යවේදී මොහාන් සමරනායක මහතා ප්‍රධාන දෙසුම පවත්වනු ලැබූ මෙම උත්සවයේදී මහාචාර්ය පූජ්‍ය මැදගොඩ අභයතිස්ස හිමියෝ විශේෂ සමාලෝචනයක් කරණු ලැබූහ.

ග්‍රන්ථයේ කර්තෘ සේන තෝරදෙනිය මහතා සිය ග්‍රන්ථය හඳුන්වාදීමේ දේශනය කරනු ලැබීය.ගෝලීය ශ්‍රී ලාංකික සංසදයේ- විධායක කමිටුව සහ ජාතික සංවිධාන එකමුතුවේ සමදායකත්වයෙන් මුද්‍රණය කරනු ලැබූ මෙම ග්‍රන්ථය ඊනියා ගෝල්ෆේස් අරගලයෙහි සැබෑ ඇතුලාන්තය හෙළිදරව් කරන්නක් බව දේශපාලන විචාරකයෝ පවසති.

රුපියල් 2000කට මිළ නියම කර ඇති මෙම ග්‍රන්ථය 0718342159 අංකයට දැනුම් දීමෙන් මිළදී ගත හැකි බව ජාතික සංවිධාන එකමුතුවේ නියෝජිතයෝ ලංකා ලීඩ් නිව්ස් වෙබ් අඩවිය වෙත පැවසූහ.