ශ්‍රී ලංකා කොමියුනිස්ට් පක්ෂයේ 80 වැනි සංවත්සරයට මෙරටට පැමිණි චීනයේ කොමියුනිස්ට් පක්ෂ මධ්‍යම කාරක සභාවේ නියෝජිතයන් පිරිසක් අද(04) මෙරට පෙරදිග දේශපාලන විද්‍යායතනයේ සාමාජිකයන් අතර හමුවීමක් බොරැල්ල කොමියුනිස්ට් පක්ෂ මූලස්ථානයේ දී සිදුවිය.

මෙම හමුවේ දී පෙරදිග දේශපාලන විද්‍යායතනයේ විදුහල්පති ලෙස කටයුතු කරන ආචාර්ය වරුණ චන්ද්‍රකීර්ති මහතා මුලසුන දැරූ අතර, චීන කොමියුනිස්ට් පක්ෂයේ ජාත්‍යන්තර අංශයේ නියෝජ්‍ය අධ්‍යක්ෂ ජනරාල් Yao Jianguo මහතා, අධ්‍යක්ෂක Li XuDeputy මහතා, උපදේශක Feng JieClass මහත්මිය සහ නියෝජ්‍ය අධ්‍යක්ෂ Zhao Tianming මහත්මිය මෙම අවස්ථාවට සහභාගි විය.

මෙහි ප්‍රධාන දේශනය පවත්වමින් චීන කොමියුනිස්ට් පක්ෂයේ ජාත්‍යන්තර අංශයේ නියෝජ්‍ය අධ්‍යක්ෂ ජනරාල් Yao Jianguo මහතා පැවසුවේ චීන ජනාධිපති ක්ෂී ජින්පින් මහතා විසින් චීන් කොමියුනිස්ට් පක්ෂයේ 20 වැනි සංවත්සරයේ දී මතුකළ කරුණු අනුව චීනය, ලෝකයේ අනෙකුත් රටවල් සමග හා අභ්‍යන්තර දේශපාලන පක්ෂ සමග සුහදව ගනුදෙනු සිදුකරන බවයි.