රුපියල් කෝටි 11කට ආසන්න වටිනාකමින් යුත් රත්‍රන් කිලෝග්‍රෑම් 5.650ක් සමග මගීන් 5 දෙනෙකු ශ්‍රී ලංකා රේගුවේ මත්ද්‍රව්‍ය පාලන ඒකකය මගින් ඊයේ (ජූනි 27) අත්අඩංගුවට ගෙන ඇත.

බණ්ඩාරනායක ජාත්‍යන්තර ගුවන් තොටුපළ මත්ද්‍රව්‍ය නාශක අංශයේ නිලධාරීන්ට ලැබුණු තොරතුරකට අනුව පිටත් වීමේ පර්යන්තයේ සිදු කළ හදිසි සෝදිසි කිරීමකට පසුව මේ මත්ද්‍රව්‍ය තොගය සොයා ගෙන ගෙන තිබේ.

කොළඹ ප්‍රදේශයේ පදිංචි ව්‍යාපාරිකයින් පිරිසක් වන මෙම සැකකරුවන් 6E1176 ඉන්ඩිගෝ ගුවන් සේවයෙන් ඉන්දියාව චෙන්නායි බලා පිටත්ව යාමට සූදානම්ව සිටින අවස්ථාවේ මෙලෙස අත්අඩංගුවට ගෙන ඇත.

ගුවන් ගමනට සූදානම්ව සිටි මෙම මගීන් ගුද මාර්ගයේ සඟවා ගෙන සිටි දියර ආකාරයෙන් සකස් කළ රත්‍රන් කරල් 15ක් සොයා ගත් බවත් එහි සම්පූර්ණ බර ග්‍රෑම් 5650ක් මෙන් ම, ඇස්තමේන්තුගත වටිනාකම ආසන්න වශයෙන් රුපියල් මිලියන 107ක් බවත් ගුවන් තොටුපළ මත්ද්‍රව්‍ය නාශක අංශයේ උසස් නිලධාරියෙක් සඳහන් කළේය.