එක්සත් ජනපද ඩොලරයට විකල්ප සෙවීමට ලොව පුරා රටවලට බල කරන කොන්දේසි වොෂින්ටනය නිර්මාණය කර ඇති බව ජාත්‍යන්තර මූල්‍ය අරමුදලේ (IMF) රුසියානු නියෝජිත Aleksey Mozhin ඊයේ (27 )RIA Novosti  මාධ්‍ය ආයතනය වෙත පැවසීය.

Aleksey Mozhin ට අනුව, ලෝඉකයේ රාජ්‍යයන් බොහෝ ගණනක් රටවල් අතර ගනුදෙනු වලදී විශේෂයෙන් චීන යුවානය විකල්ප මුදල් ලෙස භාවිතා කිරීම ඉහළ නංවා ඇත.

“ඉරාන ජාතිකයන්, බ්‍රසීල ජාතිකයන් සහ සෞදි ජාතිකයන් චීනය සමඟ පමණක් නොව වෙනත් තුන්වන පාර්ශවයේ රටවල් සමඟ ද යුවානය සමඟ ගනු දෙනු කිරීමට දැනටමත් මාරු වෙමින් සිටින බව අපට පෙනෙනවා” යනුවෙන් Aleksey Mozhin සඳහන් කළේය.

ඩොලරය ලොව පුරා බොහෝ ජාත්‍යන්තර ගනු දෙනු වලදී සහ තැන්පතු වලදී ගිණුම්ගත වන බැවින්, ඔහු ගෝලීය ආර්ථිකය තුළ ඩොලරයේ දිගුකාලීන ආධිපත්‍යය තරඟකාරිත්වය අඩුවි ඇති බව පෙන්වා දුන්නේය.

කෙසේ වෙතත්, එක්සත් ජනපද මුදල් අත්හැරීම ලෙස Aleksey Mozhin විස්තර කළ දේ හේතුවෙන් ඇමරිකානු නිලධාරීන් දැනටමත් ඩොලරයේ ඉරණම පිළිබඳව අනතුරු ඇඟවීම් කරමින් සිටින බවද ඔහු පැවසුවේය .

“එය එකවරම සිදු නොවන බව පැහැදිලිය, නමුත් ක්‍රියාවලිය ආරම්භ වී තිබෙනවා” ඔහු පැවසීය.
එක්සත් ජනපදය ඩොලරය භාවිතා කරන්නේ ජාතික අවශ්‍යතා සඳහා [සහ] එක් රටක ආර්ථික හා මූල්‍ය බැඳීම් සඳහා වන එබැවින් ඩොලරය වෙනත් තැන්වල බහුලව භාවිතා වීම නිවැරදි නොවන බවට Aleksey Mozhin නිගමනය කළේය.

රුසියාව පසුගිය වසරේ සිය විදේශීය ගනු දෙනු වලදී ඩොලරය සහ යුරෝව වෙනත් මුදල් සමඟ ප්‍රතිස්ථාපනය කිරීමට ක්‍රියාකාරීව පටන් ගත් අතර බටහිර මුදල් සම්බන්ධ සමාගම් සහ මූල්‍ය ආයතන අතර බැංකු ගිණුම් සහ ගනුදෙනු ප්‍රමාණය විශ්මයාකාර ලෙස අඩු කර ඇත.

රුසියාවේ ජාත්‍යන්තර ගනුදෙනු වලදී ඩොලරයේ සහ යුරෝවේ දායකත්වය 2022 මුල් භාගයේදී 90% සිට පසුගිය වසර අවසන් වන විට 50% ට වඩා අඩු කර ඇත. රුසියානු ආර්ථික සංවර්ධන නියෝජ්‍ය අමාත්‍ය ව්ලැඩිමීර් ඉලිචෙව් පවසන පරිදි එම තත්වය දිගටම පවතිනු ඇත.