පේරාදෙණිය රෝහලේ නිර්වින්දන එන්නත් විසවී දරුවන් රැසක් මියගොස් ඇති බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද (20) පැවසීය.

මේ එන්නත් ඉවත් කරන්නේ යැයි පැවසුවත් තවමත් ඒවා පාවිච්චි කරන බවට තොරතුරු වාර්තා වන බවත් විපක්ෂ නායකවරයා පවසයි.

ඔහු මේ බව පැවසුවේ අග්‍රාමාත්‍යවරයා වෙත ප්‍රශ්නයක් යොමු කරමිනි.

මෙහිදී වැඩිදුරටත් අදහස් දැක්වූ විපක්ෂ නායකවරයා,

“පේරාදෙණිය රෝහලේ නිර්වින්දන එන්නත් විස වෙලා දරුවෝ දෙන්නෙක් මියගිහින් තියෙනවා. මීට කලිනුත් මරණ කීපයක් සිද්ධ වුණා. මේ විෂ සහිත එන්නත් ඉවත් කරනවා කියලා අපට කියලා තියෙනවා. ඒත් තවමත් ඒවා පාවිච්චි කරනවා කියලා තමයි ආරංචිය. මේ ගැන විමර්ශන කරලා පැහැදිලි පිළිතුරක් දෙන්න කියලා අගමැතිතුමාගෙන් ඉල්ලනවා.”