ප්‍රධාන දුම්රිය මාර්ගවල දුම්රිය ධාවනය පෞද්ගලික අංශයට ලබාදිය යුතු බව පාර්ලිමේන්තු මන්ත්‍රී වජිර අබේවර්ධන මහතා පවසයි.

ඔහු මේ බව පැවසුවේ පෙරේදා (14දා) පැවැති ගාල්ල දිස්ත්‍රික් සම්බන්ධීකරණ කමිටු රැස්වීමේදී ය.

දුම්රිය දෙපාර්තමේන්තුවේ නිලධාරීන් එම දෙපාර්තමේන්තුවට බලපාන ගැටලු එම සම්බන්ධීකරණ රැස්වීමේදී අනාවරණය කිරීමෙන් පසුව වජිර අබේවර්ධන මහතා පැවසුවේ ගාල්ල – බෙලිඅත්ත, කොළඹ -අබේපුස්ස, කොළඹ – යාපනය හා කොළඹ-නුවර යන දුම්රිය මාර්ගවල දුම්රිය ධාවනය පෞද්ගලික සමාගම් වෙත භාරදිය යුතු බවය.

එහිදී විඩිදුරටත් අදහස් දැක්වූ වජිර අබේවර්ධන මහතා,

“අපි අලුත් විදිහකට හිතන්න ඕනෑ. ගාල්ල-බෙලිඅත්ත දුම්රිය පාර අපි එක සමාගමකට දෙන්න ඕනෑ. කොළඹ-අබේපුස්ස තව කම්පැනියකට දෙන්න පුළුවන්. කොළඹ – යාපනය පාරේ දුම්රිය ධාවනය තවත් කම්පැනියකටත්, කොළඹ – නුවර පාර තව සමාගමකටත් භාර දුන්නාම අපිටත් කෝච්චියේ යන්න පුළුවන් විදියට මේවා හැදෙයි.”