ජනතාවට නිවැරදි සත්ය තොරතුරු බය නැතිව ඉදිරිපත් කරන ලෙස මාධ්යවේදීන් ගෙන් ඉල්ලා සිටින බවත්, ඔවුන් ආරක්ෂා කිරීමට විපක්ෂය කැපවන බවත් විපක්ෂ නායක සජිත් ප්රේමදාස මහතා පවසයි.
විකාශන අධිකාරී පනත පිළිබඳ අදහස් දක්වමින් විපක්ෂ නායකවරයා මේ බව පැවසීය.
ප්රජාතන්ත්ර විරෝධි ක්රියාදාමයන් ක්රියාත්මක කරමින් ප්රජාතන්ත්රවාදය විනාශ කිරීමේ ගමනට තවත් ව්යාපෘතියක් රජය ඉදිරිපත් කර ඇති බවත් ඒ අනුව විකාශන නියාමන පනත හරහා විකාශන නියාමන කොමිසමක් ස්ථාපිත කර රටේ මාධ්ය මර්ධනය හා ප්රජාතන්ත්රවාදය මංකොල්ල කෑමට රජය නව පනතක් ගෙන ඒමට කටයුතු කරන බවත් මේ නව පනත ගෙන ඒමෙන් පසු රූපවාහිනී මාධ්ය බලපත්රය වලංගු වන්නේ මේ පනත සම්මත වී මාස 6කට පමණක් බවත් ඉන් පසුව වාර්ෂිකව බලපත්ර ලබා ගැනීමේ ක්රියාවලියකට රූපවාහිනී නාලිකා යොමු කිරීමට කටයුතු කර බවත් විපක්ෂ නායකවරයා පැවසීය.
මේ බලපත්රය ලබා දීමේ දී අදාල මාධ්ය ආයතනය රජයට ගැති හෝ එසේ නොමැති ද කියා සොයා බලන බවත් එය පදනම් කර ගෙන බලපත්ර තහංචි ඇති කර මේ රටේ මාධ්ය මර්ධනයේ අලුත් පරිච්ඡේදයක් ක්රියාත්මක කිරීමට සැලසුම් කර ඇති බවත් එහි ප්රතිඵලයක් ලෙස රජය විසින් මේ කෙටුම්පත ඉදිරිපත් කිරීමට නියමිත බවත් මේ හරහා දැවැන්ත ලෙස මාධ්ය මර්ධනයක් සිදු කර ප්රජාතන්ත්රවාදය උල්ලංඝනය කිරීමක් සිදු කරන බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද (1) විපක්ෂයේ පක්ෂ විධායක සභාව රැස් වූ අවස්ථාවේ දී විකාශන අධිකාරී පනත සම්බන්ධයෙන් සිය අදහස් පළ කිරීමේ දී ය.
රාජ්ය අනුග්රහය මත අනුමත වූ ප්රවෘත්ති පමණක් ජනතාවට විකාශනය කරන මාධ්ය නාලිකා නිර්මාණය කිරීමක් මේ යටතේ සිදු වන බවත් විධායකය ව්යවස්ථාදායකය සහ අධිකරණයට පසු සිව්වන ආණ්ඩුව ලෙස හදුන්වන නිදහස් ස්වාධීන මාධ්ය මේ යටතේ නියාමනය කිරීමක් සිදු වන බවත් විපක්ෂ නායකවරයා තවදුරටත් අවධාරණය කළේය.
මැතිවරණ සිතියම හකුලා රටේ ලක්ෂ 220ම ත්රස්තවාදීන් ලෙස හැදින්වීමේ පනත් ගෙන ඒමට උත්සාහ කරමින් රටේ ජනතාවගේ ප්රජාතන්ත්රවාදය අමු අමුවේ උල්ලංඝනය කරමින් සිටින අතරතුර මාධ්ය ආයතන ද මර්ධනය කිරීමට සූදානම් නමුත් විපක්ෂයක් ලෙස එකට එකතු වී මේ ක්රියාවලිය පරාජය කරන බවත් අධිකරණයේ පිහිට පතා මේ ක්රියාවලිය කෙසේ හෝ පරාජය කරන බවත් ඒ සඳහා පාර්ලිමේන්තුවේ මෙන්ම ඉන් පිටතත් හඬ නගන බවත් විපක්ෂ නායකවරයා වැඩිදුරටත් පැවසීය.
මාධ්ය ආයතනවලට කියන්න ඇත්තේ සත්යවාදීව නිවැරදි තොරතුරු වාර්තා කරන ලෙසත් ඔබව ආරක්ෂා කිරීමේ වගකීම විපක්ෂය බාර ගන්නා බවත් එබැවින් බිය නොවී ජනතාවට සත්ය පැවසීමට පෙරමුණ ගන්නා ලෙසත් විපක්ෂ නායකවරයා වැඩිදුරටත් මෙහි දී මාධ්ය ආයතනවලින් ඉල්ලා සිටියේය.
– media uinit
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...