එළුවන් සඳහා රක්ෂණාවරණයක් ලබා දීමට කෘෂිකාර්මික හා ගොවිජන රක්ෂණ මණ්ඩලය සැලසුම් කර ඇත.

කෘෂිකාර්මික හා ගොවි ජන රක්ෂණ මණ්ඩලයේ සභාපති ඩබ්.එම්.එම්.බී. වීරසේකර විසින් ඒ බව ඉකුත් දා (මැයි 30) කෘෂිකර්ම අමාත්‍යවරයාට දැනුම් දී තිබේ.

පශු සම්පත් පාලනයේදී රජය ඉදිරි වසර පහ තුළ එළුවන් 70,000ක් ලබා දීමේ වැඩපිළිවෙළ යටතේ මේ අයුරින් එළුවන් සඳහා ද රක්ෂණාවරණයක් ලබා දීමට සැලසුම් කොට ඇත.

සාමාන්‍යයෙන් එළුවෙකුගේ වටිනාකම රුපියල් ලක්ෂයක් පමණ වන බව ඇස්තමේන්තු කොට ඇති අතර, වාර්ෂිකව රුපියල් 400ක රක්ෂණ දායකත්වයක් මගින් එළුවන් රක්ෂණය කිරීමට අවස්ථාව සලසා දීමට මේ මගින් සැලසුම් කෙරේ.

එළුවන් සොරකම් කිරීමකදී හෝ හදිසි මරණයට පත් වූ විට උපරිම වන්දියක් ලබා දීමට මේ හරහා කටයුතු යොදා ඇත.