එක්ස්ප්‍රස් පර්ල් නෞකාවේ වන්දි මුදල් ලබා ගැනීමට අදාළ නඩුව යට ගැසීම සඳහා ඩොලර් මිලියන 250 ක අල්ලස් මුදලක් ලබාදුන් බවට සිදු කළ හෙළිදරව්ව සම්බන්ධයෙන් අපරාධ පරීක්ෂණ දෙපාර්තමේන්තුව අධිකරණ ඇමැති විජයදාස රාජපක්ෂ මහතාගෙන් ඉදිරි දින කීපය තුළදී ප්‍රකාශ ලබා ගැනීමට නියමිත බව වාර්තා වේ.

මේ සම්බන්ධයෙන් ඉකුත් සතියේ ඇමැතිවරයාගෙන් ප්‍රකාශයක් ලබා ගැනීමට උත්සාහ කළ ද එය නොහැකි වූ බවට අපරාධ පරීක්ෂණ දෙපාර්තමේන්තු ආරංචි මාර්ග සඳහන් කරයි.

එංගලන්තයේ බැංකු ගිණුමකට ඩොලර් මිලියන 250 ක අල්ලසක් ලබාදී තිබූ බවට අධිකරණ ඇමැති විජයදාස රාජපක්ෂ මහතා පාර්ලිමේන්තුවේදී ප්‍රකාශ කර තිබිණි.

මෙම හෙළිදරව්වෙන් පසු අධිකරණ ඇමැතිවරයා විසින් මේ සම්බන්ධයෙන් විමර්ශනයක් පවත්වන ලෙස අපරාධ පරීක්ෂකවරු දෙපාර්තමේන්තුව වෙත දැනුම් දීමක් ද කර තිබිණි.