යෝජිත නව ත්‍රස්ත විරෝධී පනත් කෙටුම්පත සම්බන්ධයෙන් ආණ්ඩු පක්ෂය තුළ මත පවතින ගැටුම් උග්‍රවී ඇති බව ආණ්ඩුවේ ආරංචි මාර්ග සඳහන් කරයි.

එම පනත් කෙටුම්පතේ සඳහන් ඇතැම් වගන්තිවලට ආණ්ඩු පක්ෂයේ මැති ඇමැතිවරුන් බොහෝ දෙනෙක් විරෝධය පළකිරීම ඊට හේතු වී ඇතැයි පැවසේ.

මෙම තත්වය හමුවේ පනත් කෙටුම්පත පාර්ලිමේන්තුවට ඉදිරිපත් කිරීම තවදුරටත් කල් යනු ඇතැයි සඳහන් වේ.

මේ අතර, යෝජිත ත්‍රස්ත විරෝධී පනතට විරුද්ධව එක්ව කටයුතු කිරීමට විපක්ෂයේ සියලු පක්ෂ ද තීරණය කර ඇති බවත් වාර්තා වේ.