ජනාධිපති රනිල් වික්‍රමසිංහ මහතාගේ පෞද්ගලික නිවසට ගිනිතැබීමේ සිද්ධියේ සැකකරුවෙකු ලෙස නම්කර සිටි හිටපු පාර්ලිමේන්තු මන්ත්‍රී ජේ. ශ්‍රී රංගා මහතා ඇප මත මුදාහැරීමට අධිකරණය ඊයේ(3) නියෝග කළේය.

ඒ අනුව හිටපු පාර්ලිමේන්තු මන්ත්‍රීවරයා රුපියල් 20,000ක මුදල් ඇපයක් සහ රුපියල් ලක්ෂ 50 බැගින් වු ශරීර ඇප දෙකක් මත මුදාහැරීමට කොටුව වැඩබලන මහෙස්ත්‍රාත් ඉලංගසිංහ බණ්ඩාර මහතා නියෝග කළ අතර, පසුගිය වසරේ ජූලි මස 09 වනදා ජනාධිපතිවරයාගේ පෞද්ගලික නිවසට ගිනි තැබීමේ සිද්ධියේ සැකකරුවෙකු ලෙස ජේ. ශ්‍රී රංගා මහතා නම් කරන බව විමර්ශන නිලධාරීන් කොටුව මහෙස්ත්‍රාත්වරයා හමුවේ කරුණු ඉදිරිපත් කර තිබුණි.

කෙසේවෙතත් ජේ. ශ්‍රී රංගා මහතා  අධිකරණයට ඉදිරිපත් කෙරුණේ ඔහු රිය අනතුරක් සම්බන්ධ නඩුවකට රක්ෂිත බන්ධනාගාරගත කර සිටියදීය.