ගිනිකොනදිග තුර්කියේ ගාසියන්ටෙප් ප්‍රදේශයේ ප්‍රබල භූ කම්පනයක් සිදුවී ඇති බව විදෙස් මාධ්‍ය පවසයි.

රික්ටර් මාපක 7.8 විශාලත්වයෙන් යුත් එම භූ කම්පනය හේතුවෙන් මියගිය පුද්ගලයන්ගේ ප්‍රමාණය නිශ්චිතව තවමත් සදහන් කිරීමට නොහැකි වී ඇති බවත් වාර්තා වේ.

එම භූ කම්පනය එරට වේලාවෙන් පස්වරු 04:17ට (GMT 01:17) ගාසියන්ටෙප් නගරය ආසන්නයේ කිලෝමීටර් 17.9 (සැතපුම් 11) ගැඹුරකදී සිදු වී ඇතැයි එක්සත් ජනපද භූ විද්‍යා සමීක්ෂණ ආයතනය ප්‍රකාශ කර ඇත.

භූමිකම්පාව අන්කාරා අගනුවරට සහ තුර්කියේ ඇති අනෙකුත් නගරවලට සහ පුළුල් ප්‍රදේශයක් පුරා දැනී තිබේ.

ගොඩනැගිලි රැසක් කඩා වැටී ඇති අතර තවත් පිරිසක් ඒවා තුළ සිර වී සිටිය හැකි බවයි විදෙස් මාධ්‍ය වාර්තා කරන්නේ.