දේශීය පුවත්

නීතිය නිසියාකාර ක්‍රියාත්මක නොවීම නිසා තමන් ජීවත් වන ප්‍රදේශයේ වැඩිවෙමින් පවතින අපරාධ ගැන කම්පාවට පත් කාන්තාවක් වන විජයකලා මහේෂ්වරන් මන්ත්‍රීවරිය නැගූ විලාපය නවත්වා ලිය හැකි වන්නේ උතුරු පළාත් සභාවට පොලිස් බලතල දීමෙන් බව නවසමසමාජ පක්ෂයේ නායක වික්‍රමබාහු කරුණාරත්න පවසයි.

එසේ බලතල විමධ්‍ය ගත කිරීමට එකඟවී බලයට පත් වූ ආණ්ඩුව ඒ පොරොන්දුව ඉටු නොකිරීම ඔහුගේ දෝෂ දර්ශනයට ලක්විය.

දරුවන්ට සහ ගැහැනුන්ට ආරක්ෂාව සහිතව උතුරු නැගෙනහිර නිදහසේ ජීවත්වීම සඳහා එල්ටීටීඊ සංවිධානයේ අවශ්‍යතාව මතුව ඇති බව ප්‍රකාශ කිරීම නිසා දකුණේ දැඩි විවේචනයට ලක්වීමෙන් අනතුරුව විජයකලා මහේෂ්වරන් සිය ළමා හා කාන්තා කටයුතු රාජ්‍ය අමාත්‍ය ධුරයෙන් ඉල්ලා අස්වීමේ බාරදීමට සිදු විය.

“කොටි පාලනය හොඳයි කීම විලාපයක් මිස වෙනත් දෙයක් නොවෙයි,” යනුවෙන් වික්‍රමබාහු ප්‍රකාශ කළේ කොළඹදී මාධ්‍යවේදීන් අමතමිනි.

“දුක් විඳින ජනතාවගේ වේදනාවන් කියලා කෑ ගහන්න ගෑනියකුට අවසරයක් නැති රටක්ද මේක?”

විජයකලා මහේෂ්වරන් මන්ත්‍රීවරිය ට දැඩි ප්‍රහාර එල්ල කළ එක්සත් ජාතික පක්ෂයේ ඇතැම් මන්ත්‍රීවරුන් ‘ගොන්නු’ ලෙසින් ආචාර්ය බාහු ගේ දෝෂ දර්ශනයට ලක් විය.

“එක්සත් ජාතික පක්ෂයේ ඉන්න සමහර ගොන්නු මේ කාන්තාවගේ විලාපය ගැන වැරදි අර්ථකතනයක් දෙන්න උත්සාහ කරලා තියෙනවා.”

මන්ත්‍රීවරිය විසින් පල කරන ලද අදහස් වැරදි ලෙස වටහාගෙන සිටින ජාතිවාදීන් ගේ ඉල්ලීම පරිදි ඇයට දඬුවම් පැමිණවීමට පියවර ගැනීම අර්ථ විරහිත කටයුත්තක් බව වික්‍රමබාහු කරුණාරත්න අවධාරණය කළේය.



Leave a Reply

Your email address will not be published. Required fields are marked *

ප‍්‍රධාන පුවත්

22වන ආණ්ඩුක්‍රම ව්‍යවස්ථා සංශෝධනයේ අලුත්ම වෙනස්කම් මෙන්න

22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත අද පාර්ලිමේන්තුවට ඉදිරිපත් කෙරුණි. 19 වන ව්‍යවස්ථා සංශෝධනයේ ඇතුළත...


Read More

ගෝඨාභය ගැන තායිලන්තයෙන් නිවේදනයක්

ගෝඨාගේ ඉල්ලීමට තායිලන්තය අවසර දෙයි ශ්‍රී ලංකා හිටපු ජනාධිපති ගෝඨාභය රාජපක්ෂ තායිලන්තය වෙත පැමිණීමට අවසර ඉල්ලීමක් සිදුකර ඇති බව තා...


Read More

ජනපති රනිල්ගෙන් අනුර කුමාරට ලිපියක්

අනුර කුමාරගෙන් බලාපොරොත්තු වන දේ ජනපති කියයි ජාතික සර්වපාක්ෂික වැඩපිළිවෙළ සඳහා රට වෙනුවෙන් සහයෝගය ලබාදෙනු ඇතැයි බලාපොරොත්තු වන බව ජනාධිප...


Read More