ඒකාබද්ධ විපක්ෂයේ පාර්ලිමේන්තු කණ්ඩායම් රැස්වීම හෙට (3) හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් පැවැත්වෙන අතර ඊට ආණ්ඩුවෙන් ඉවත් වූ ශ්‍රීලනිප මහත්වරුන් 16 දෙනාටද සහභාගිවීමට අවස්ථාව ලබාදී ඇති බවද සඳහන්ය. ඒ අනුව ඒකාබද්ධ විපක්ෂයේ කණ්ඩායම් රැස්වීමට මන්ත්‍රීවරු 70 දෙනෙකු සහභාගි වන ප්‍රථම අවස්ථාව මෙය වනු ඇත.

හිටපු ජනාධිපති මහින්ද රාජපක්ෂ මහතාගේ නිල නිවසේදී හෙට (3) ප.ව.5.00ට පැවැත්වෙන මෙම රැස්වීමේදී කරුණු කීපයක් ගැනම සාකච්ඡා කිරීමට නියමිතය. නිව්යෝර්ක් ටයිම්ස් පුවත්පතේ පළ වූ ප්‍රවෘත්තියේ අන්තර්ගත කරුණු පළාත් සභා මැතිවරණය හා විගණකාධිපති දෙපාර්තමේන්තුවට අදාළ සංශෝධිත පනත සම්බන්ධයෙන්ද මෙම සාකච්ඡාවේදී ප්‍රමුඛතාව ලබාදෙනු ඇතැයි එහි ප්‍රකාශකයකු සඳහන් කළේය.