කොළඹ නගරයේ විශේෂ ප්රදේශ කිහිපයක් අධි ආරක්ෂිත කලාප ලෙස නම් කරමින් ජනාධිපති රනිල් වික්රමසිංහ මහතා ආරක්ෂක අමාත්යවරයා වශයෙන් නිකුත් කළ ගැසට් පත්රය බල රහිත කිරීම සඳහා අවශ්ය කටයුතු සොයාබලන ලෙස ජනාධිපති රනිල් වික්රමසිංහ මහතා නීතිපතිවරයා වෙත උපදෙස් දී ඇතැයි විශ්වාසනීය ආරංචිමාර්ග සඳහන් කරයි.
මෙම ගැසට් පත්රයෙන් කොළඹ නගරයේ කේන්ද්රීය ආර්ථික කලාපයේ ව්යාපාර ක්රියාකාරකම් සඳහා දැඩි බලපෑමක් එල්ල වනු ඇති බවට ආර්ථික විශේෂඥයින් කණ්ඩායමක් ජනාධිපති රනිල් වික්රමසිංහ මහතාට දීර්ඝ කරුණු දැක්වීමක් සිදුකර ඇතැයි ද වාර්තා වේ.
කොළඹ නගරයේ වරින් වර ඇතිවන උද්ඝෝෂණ නිසා ආර්ථිකමය වශයෙන් සිදුවන හානිය ඉතා ඉහළ බවත්, නමුත් මෙම අධි ආරක්ෂිත කලාප නම් කිරීම හරහා වෙනත් ගැටලු ඇතිවිය හැකි බවත් එම විශේෂඥ කණ්ඩායම පෙන්වා දී තිබේ.
ඒ අනුව මෙම අධිආරක්ෂිත කලාප ඉවත් කොට ඒ වෙනුවට බුද්ධි අංශ සම්බන්ධීකරණය කරගනිමින් විශේෂ ආරක්ෂක වැඩපිළිවෙලක් සකස් කරන ලෙස ජනාධිපතිවරයා මහජන ආරක්ෂක අමාත්යාංශය ප්රමුඛ අදාළ අංශ වෙත උපදෙස් ලබාදී ඇතැයි එම ආරංචි මාර්ග පවසයි.
ගැසට් නිවේදනය අවලංගු කිරීමට නම් ජනාධිපතිවරයාගේ අත්සන යෙදිය යුතු බැවින් ජපාන සංචාරය අවසන් වී ජනාධිපතිවරයා මෙරටට පැමිණීමෙන් අනතුරුව එම කටයුතු සිදුවීමට නියමිත බවද ආරංචි මාර්ග සඳහන් කරයි.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...