දේශීය පුවත්

ඊයේ (20 ) උදෑසන රුසියානු ජනතාව ඇමතූ රුසියානු ජනාධිපති ව්ලැඩිමීර් පුටින් රුසියාව අර්ධ මිලිටරි බලමුලු ගැන්වීමක් කරන බව නිවේදනය කළේය. යුක්රේනයේදී සහ ඩොන්බාස්හි දි දිග්ගැස්සුනු ගැටුමකට රුසියාව මුහුන දී සිටින බැවින්, ආරක්ෂක අමාත්‍යාංශය විසින් හමුදා සංචිතයන් සක්‍රීය සේවයට ඈඳ ගැනීමට නිර්දේශ කර ඇති බව රුසියානු ජනාධිපතිවරයා අනාවරණය කළේය.

මෙම පියවර සංවේදී මෙන්ම  අත්‍යඅවශ්‍ය වන බව ජනාධිපති පුටින් ප්‍රකාශ කළේ, අර්ධ බලමුළු ගැන්වීම වහාම ආරම්භ කිරීම සඳහා නියෝගයට තමා දැනටමත් අත්සන් කර ඇති බව අනාවරණය කරමිනි. ත්‍රිවිධ හමුදා සේවයට යොමු වන්නේ හමුදා සංචිතයේ සිටින රුසියානුවන් සහ ජාතික සේවය අවසන් කළ අය පමණක් බව ජනාධිපති පුටින් වැඩිදුරටත් පැවසීය. සක්‍රීය රාජකාරියේ යෙදී සිටින පුද්ගලයින්ට ලැබිය යුතු සියලුම ප්‍රතිලාභ සමඟ ඔවුන්ට අමතර පුහුණුවක් ලබා දෙන බවටද රුසියානු ජනාධිපතිවරයා රුසියානු ජාතිය හමුවේ පොරොන්දු විය.

සිය කතාවේදී ජනාධිපති පුටින්, කියෙව් පාලනයට චෝදනා කළේ, බටහිර සහචරයින්ගේ සෘජු නියෝග මත ක්‍රියා කරමින්, සාම සාකච්ඡාවලින් ඉවත් වන බවටය. සාකච්ඡාව තෝරා ගන්නවා වෙනුවට යුක්‍රේන ආණ්ඩුව නේටෝව විසින් පුහුණු කරන ලද භටයින් සමඟ සිය හමුදාව තර කර ඇති බව පැවසූ රුසියානු ජනාධිපතිවරයා ඔවුන්ගෙන් බොහෝ දෙනෙක් නව නාසි අන්තවාදීන් බවද රුසියානු ජනාධිපතිවරයා අවධාරණය කළේය.

පෙබරවාරි මාසයේදී යුක්රේනයට යවන ලද රුසියානු හමුදා ඩොනෙට්ස්ක් සහ ලුගාන්ස්ක් මහජන සමූහාණ්ඩුව මෙන්ම කියෙව් පාලනය විසින් හිමිකම් කියන යුක්රේනයේ භූමි ප්‍රදේශයෙන් සමහර ප්‍රදේශ විශාල කොටසක් සුරක්ෂිත කර ඇති බව පැවසූ රුසියානු ජනාධිපතිවරයා, එහි ප්‍රතිඵලයක් ලෙස ඉදිරි පෙළ කිලෝමීටර් 1,000 ඉක්මවන බවද සිය දේශනයේදී අනාවරණය කළේය.

දැනට රුසියානු හමුදා විසින් විශාල වශයෙන් පාලනය කරනු ලබන ඩොන්බාස් ජනරජ දෙකේ සහ යුක්රේනයේ කලාප දෙකක ඉදිරි ජනමත විචාරණ පිළිබඳව ද ජනාධිපති පුටින් සිය දේශනයේදී අදහස් පළ කළේය.එළඹෙන සිකුරාදා ඡන්ද විමසීම් ආරම්භ කිරීමට නියමිතව ඇති අතර, රුසියාවේ කොටසක් බවට පත්වන්නේද යන්න පිළිබඳව සලකා බැලීමට ජනමත විචාරණය ප්‍රකාශයට පත් කර ඇත. ජනමත විචාරණ හතරේ ප්‍රතිඵලවලට තම රජය ගරු කරන බවත්, ඡන්දය ප්‍රකාශ කිරීමේ ක්‍රියාවලිය සඳහා ආරක්ෂාව සපයන බවත් ජනාධිපති පුටින් සිය දේශනයේදී අවධාරණය කළේය.



Leave a Reply

Your email address will not be published.

ප‍්‍රධාන පුවත්

ණය ප්‍රතිව්‍යුහගතකරණයට ජපානයේ සහාය – අවලංගු වූ ජපාන ව්‍යාපෘති නැවත අරඹන බවට ජනපති රනිල්ගෙන් පොරොන්දුවක් – සිංගප්පූරු අගමැතිටත් තවත් පොරොන්දුවක්

ශ්‍රී ලංකාවේ ණය ප්‍රතිව්‍යුහගත කිරීම සඳහා ණය හිමියන් සමඟ සාකච්ඡා කොට ප්‍රමුඛ කාර්යභාරයක් ඉටු කිරීමට ජපානය ප්&...


Read More

බයිඩෙන්ගේ හිටපු ප්‍රකාශිකාව “මැතිවරණ” අනතුරු ඇඟවීමක් නිකුත් කරයි

අමෙරිකානු ජනාධිපතිගේ හිටපු ප්‍රකාශිකාවක් වන ජෙන් සාකි මහ්ත්මිය මාධ්‍යය වෙත අදහස් දක්වමින් එළඹෙන අමෙරිකානු මහ මැතිවරණය ඡන්දද...


Read More

චීන පර්යේෂණ නෞකාව සම්බන්ධ ගැටලුවේ දී ඉන්දියාවෙනුත් චීනෙනුත් දෙකෙන්ම අපි ගුටිකෑවා – ජනපති රනිල් ඉන්දීය මාධ්‍යවලට කියයි

ශ්‍රී ලංකාව ණය ප්‍රතිව්‍යුහගත කිරීම සම්බන්ධයෙන් පළමුව ජපානය සමග සාකච්ඡා ආරම්භකරන බවත් ඊට අවශ්‍ය පසුබිම තම ජපා...


Read More