පසුගිය දා හිටපු අමාත්‍ය විමල් වීරවංශ මහතා මාධ්‍යවේදීන් වෙත අදහස් දක්වමින් සිටියදී එක්තරා පුද්ගලයෙකු ඔහුට අසභ්‍ය වචනයෙන් බැන වැදී  පහරදීමට තැත් කළේය.

ඒ සම්බන්ධයෙන් අද පැවති මාධ්‍ය හමුවකදී විමල් වීරවංශ මහතා මෙසේ හෙළි කළේය.

” ඒ් පුද්ගලයා මිරිහානේ පදිංචි අයෙක්. ඔහුට ඒ් කොන්ත්‍රාත් එක දීලා තියෙන්නේ එක්තරා රූපවාහිනී ආයතනයකින්. ඒ් රූපවාහිනී ආයතනයේ ප්‍රවෘත්ති මැදිරියේ කට්ටිය ඉතා උනන්දුවෙන් බලාගෙන ඉදලා තියෙනවා මේ රූපරාමු ලැබෙනකම්. ඒ නාලිකාවේ කැමරා ශිල්පියා තමයි මේකට පූර්ව සූදානමක් ඇතිව ඇවිල්ලා තියෙන්නේ. අනිත් අය මේ ගැන දන්නේ නැති නිසා ඒ අයට මේක නිසි පරිදි කැමරාවට ග්‍රහණය කර ගන්න බැරි වුණා. ඒක අර රනිල් වික්‍රමසිංහ මහත්තයාගේ ගේ ගිනිතියන්න උසි ගැන්වූ ආකාරයේම ක්‍රියාවක්. ඒ නාලිකාව හදනවා කෘතිමව පෙන්වන්න අපිට දැන් මහජනතාව ලගට යන්න බැහැ කියලා. ඒ නාලිකාව ගොඩක් කල් ඉදලා මම ගැන ඒහෙම හිතාගෙන ඉදලා තියෙනවා. ගහන්න පුළුවන් උපරිමයෙන් ගහලත් තියෙනවා. ඒත් අපි තාම මේ රටේ දේශපාලනයේ ඉන්නනවා. ඒ අයට ඔ්න විදියට අපේ දේශපාලනය තීරණය කරන්න බෑහැ”