මේ වන විට බෞද්ධ ස්වාමීන් වහන්සේලා සිවුනමක් විසින් කොටුව බෝධිය ඉදිරිපිටදී ආරම්භ කොට ඇති මාරාන්තික උපවාසය ගෝඨාභය රාජපක්ෂ ජනාධිපති ධූරයෙන් ඉවත් වන තෙක් අඛණ්ඩව සිදුකරන බව හැඩිගල්ලේ විමලසාර හිමියෝ පැවසූහ.

එහ්ඩි උන්වහන්සේ වැඩිදුරටත් පවසා සිටියේ ,ස්වාමීන් වහන්සේගේ හඬට කන්දීමට ආණ්ඩුවේ වගකිවයුතු පුද්ගලයකු මේ දක්වා උපවාස භූමිය අසලට නොපැමිණි බවයි.

“මවුබිමේ නිදහස උදෙසා යතිවර පාරමිතාව’ යන මැයෙන් පසුගිය 7 වන දා ආරම්භ කළ සත්‍යග්‍රහය, මාරාන්තික උපවාසයක් දක්වා ඉදිරියට ගෙනයෑමට භික්ෂුන් වහන්සේලා සිව් නම පියවර ගත්තා.මෙම කර්තව්‍ය සඳහා සියලු නිකායන්ට අයත් විවිධ සමාජ සංවිධාන නියෝජනය කරන ස්වාමීන් වහන්සේ විශාල පිරිසක් එක්ව සිටිනවා. ත්‍රෛනිකායික මහනායක හිමිවරුන් අවධාරණය කර ඇති පරිදි වත්මන් ආණ්ඩුව ඉල්ලා අස්වී මාස හයක කාලයක් සඳහා සර්වපාක්ෂික ආණ්ඩුවක් පිහිටුවිය යුතුයි.ඉන් අනතුරුව මහජන ඡන්දයෙන් පාලන බලය ලබාගන්නා කණ්ඩායමට රට කරගෙන යාමට ඉඩදිය යුතුයි.රට ගිනි ගෙන ඇති මොහොතක කිසිදු සංවේදීතාවක් නොමැති ජනාධිපතිවරයා ජනතාව පීඩාවට පත්වකිරීම තවදුරට ත් බලා සිටිය නොහැකි බැවින් භික්ෂූන් වහන්සේලා මෙමමාරාන්තික උපවාසය ඇරඹුවා.” හැඩිගල්ලේ විමලසාර හිමියෝ පැවසූහ.