පාර්ලිමේන්තු සැසිවාරයට සහභාගී වීම සඳහා ජනාධිපති ගෝඨාභය රාජපක්ෂ මහතා මීට සුළු මොහොතකට පෙර පාර්ලිමේන්තුවට පැමිණියේය.

පාර්ලිමේන්තුව අද (ජුලි 5) පෙරවරු 10.00 ට රැස්වී තිබිණි.

ජනාධිපතිවරයා පාර්ලිමේන්තුවට පැමිණෙන විට අග්‍රාමාත්‍ය රනිල් වික්‍රමසිංහ මහතා සභාව අමතමින් සිටියේය.

මේ අතර විදේශ විනිමය පනත යටතේ රෙගුලාසි, නො. 2017 12, අංක 2270/20 සහ 2280/32 දරන අති විශේෂ ගැසට් පත්‍රය යටතේ ප්‍රකාශයට පත් කරන ලද 1979 අංක 40 දරන ශ්‍රී ලංකා අපනයන සංවර්ධන පනත යටතේ නියෝග දෙකක්, රේගු ආඥාපනත යටතේ යෝජනාව, අංක 7 දරන විසර්ජන පනතේ 8 වැනි වගන්තිය යටතේ යෝජනා අද විවාදයෙන් පසු අනුමත කිරීමට නියමිතය.

තවද, අංක 2282/21 සහ 2282/22 දරන අතිවිශේෂ ගැසට් පත්‍රය යටතේ ප්‍රකාශයට පත් කරන ලද 2007 අංක 48 දරන විශේෂ වෙළඳ භාණ්ඩ බදු පනත යටතේ නියෝග හයක් සහ 1969 අංක 01 දරන ආනයන හා අපනයන පාලන පනත යටතේ රෙගුලාසි දෙකක්ද සැලසුම් කර ඇත.

ඉන් අනතුරුව සභාව කල් තබන අවස්ථාවේ ප්‍රශ්න සඳහා පස්වරු 4.30 සිට 4.50 දක්වා කාලය වෙන් කර ඇති අතර රජය ගෙන එන සභාව කල් තබන අවස්ථාවේ යෝජනාව විවාදයට ගැනීමට පස්වරු 4.50 සිට පස්වරු 5.30 දක්වා කල් තැබීමට තීරණය කර ඇත.